फडणवीस सरकारचा वाहनधारकांसाठी मोठा निर्णय नवीन नंबर प्लेट बसवण्यासाठी इतक्या दिवसांची मुदतवाढ

महाराष्ट्र न्यूज : महाराष्ट्रातील वाहनचालकांसाठी फडणवीस सरकारने नुकताच एक महत्त्वाचा निर्णय घेतला आहे. जर तुमच्याकडे 2019 पूर्वीचे वाहन असेल तर ही बातमी तुमच्यासाठी खास असणार आहे.

तुम्हाला माहिती आहे की 2019 पूर्वीच्या वाहनांसाठी, सरकारने आता HSRP म्हणजेच उच्च सुरक्षा नोंदणी प्लेट बसवणे अनिवार्य केले आहे.

सर्वोच्च न्यायालयाच्या आदेशानुसार ही नंबर प्लेट अनिवार्य करण्यात आली आहे. यासाठी 30 नोव्हेंबर 2025 पर्यंत मुदत देण्यात आली होती. मात्र तरीही राज्यातील लाखो वाहनधारकांनी नवीन हाय सिक्युरिटी रजिस्ट्रेशन प्लेट लावलेली नाही.

यामुळे आता ही नवीन एचएसआरपी नंबर प्लेट बसविण्याची मुदत वाढवून देण्याचा महत्त्वपूर्ण निर्णय परिवहन विभागाने घेतला आहे. वाहनचालकांना मोठा दिलासा देण्यासाठी राज्य परिवहन विभागाने 'हाय सिक्युरिटी रजिस्ट्रेशन नंबर प्लेट्स' (HSRP) बसवण्याची मुदत पुन्हा एकदा वाढवण्याचा निर्णय घेतला आहे.

किती दिवसांची मुदतवाढ दिली?

नंबर प्लेट लावण्यासाठी मुदतवाढ देण्याची मागणी वाहनधारकांकडून सातत्याने होत होती. त्यानुसार आता एचएसआरपी नंबर प्लेट बसवण्यासाठी आणखी एक महिन्याचा अवधी देण्यात आला आहे.

सर्वोच्च न्यायालयाच्या आदेशानुसार 2019 पूर्वी नोंदणी केलेल्या सर्व वाहनांवर HSRP लावणे बंधनकारक असून आता सर्व वाहन चालकांना 31 डिसेंबरपर्यंत ही नंबर प्लेट लावणे बंधनकारक आहे.

३० नोव्हेंबर ही अंतिम मुदत संपल्याने नागरिकांनी मोठ्या प्रमाणात मुदतवाढीची मागणी सुरू केली. त्यानुसार, राज्य परिवहन विभागाने मुदतवाढ जाहीर केली आणि आता अंतिम तारीख 31 डिसेंबर 2025 निश्चित केली.

खुद्द परिवहन विभागाच्या आयुक्तांनीच ही माहिती दिली आहे. दरम्यान, परिवहन विभागाने घेतलेल्या या निर्णयामुळे सर्वसामान्य वाहनधारकांना दिलासा मिळेल, अशी आशा आहे.

दरम्यान, ही मुदतवाढ म्हणजेच ३१ डिसेंबरची अंतिम मुदत असून, त्यानंतर एचएसआरपी नसलेल्या वाहनांवर एअर स्पीड टीमकडून कडक कारवाई करण्यात येईल, असा इशारा परिवहन आयुक्तांनी दिला आहे.

परिवहन विभागाच्या निर्णयानुसार पुण्यातील 25 लाखांहून अधिक वाहनांना एचएसआरपी नंबर प्लेट लावावी लागणार आहे. मात्र आतापर्यंत पुण्यातील केवळ साडेसात लाख वाहनांवर ही प्लेट बसवण्यात आली आहे.

यामुळे ज्या लोकांनी अद्याप ही HSRP प्लेट लावलेली नाही त्यांनी लवकरात लवकर ही प्लेट मिळवून द्यावी.