ईव्हीएम मशीन वाल्याशी बोलणं झालंय, तू एक कोटी रुपये दिले तर…; नगरपरिषद निवडणुकीत ईव्हीएम मशीन

चांदवड निवडणूक : चांदवड नगरपरिषद निवडणुकीच्या (Chandwad Nagarparishad Election) पार्श्वभूमीवर एक कथित ऑडिओ क्लिप (Audio Clip) व्हायरल झाल्यानं शहरात मोठी खळबळ उडाली आहे. नगराध्यक्ष पदाचे अपक्ष उमेदवार राकेश अहिरे (Rakesh Ahire) यांनी दिलेल्या माहितीनुसार, त्यांना शक्ती विलास ढोमसे (Shakti Dhomase) यांनी मोबाईलवर संपर्क साधून पैशांच्या बदल्यात निश्चित मते मिळवून देण्याची ऑफर दिल्याचा गंभीर आरोप करण्यात आला आहे. ही संपूर्ण ऑडिओ रेकॉर्डिंग गेल्या काही तासांत सोशल मीडियावर मोठ्या प्रमाणावर प्रसारित झाली असून, यामुळे चांदवडमध्ये (Chandwad News) राजकीय वातावरण तापले आहे.

अहिरे यांच्या म्हणण्यानुसार, ढोमसे यांनी संभाषणादरम्यान भाजपचे नगराध्यक्षपदाचे उमेदवार वैभव बागुल यांना 13 हजार 642 मते मिळणार असल्याचा दावा केला. याबाबत विचारणा केल्यावर “ईव्हीएम मशीनवाल्याशी बोलणे झाले आहे” असे उत्तर दिल्याचा आरोप आहे. तसेच “एक कोटी रुपये दिल्यास तुला 11 हजार 250 मते मिळवून देऊ शकतो” अशी ऑफर देण्यात आल्याचा दावा उमेदवारांनी केला आहे.

Chandwad Election:  ऑडिओ क्लिप वायरल झाल्याने खळबळ

ही रेकॉर्डिंग व्हायरल होताच संबंधित बाबीची अधिकृत तक्रार चांदवड पोलिसांत दाखल करण्यात आली असून, हीच रेकॉर्डिंग व संबंधित पुरावे निवडणूक आयोगालाही सुपूर्द करण्यात आले आहेत. पोलिसांनी तक्रार स्वीकारून पुढील पडताळणी सुरू केली आहे. ऑडिओची सत्यता, कॉल डिटेल्स आणि संवादातील व्यक्तींची भूमिका याबाबत तपास सुरू करण्यात येणार असल्याची माहिती मिळत आहे. मात्र, चांदवड नगरपरिषद निवडणुकीच्या तोंडावर अशा प्रकारची क्लिप व्हायरल झाल्याने नागरिकांमध्ये चर्चांना उधाण आले आहे. निवडणूक आयोगाकडून या प्रकरणावर पुढील काय निर्णय घेतला जाणार आणि पोलिस तपासात नेमके काय निष्पन्न होते? याकडे आता सर्वांचे लक्ष लागले आहे.

राज्य आणि देश-विदेशातील महत्त्वाच्या बातम्या; पाहा व्हिडीओ

इतर महत्त्वाच्या बातम्या

Nagarparishad Election: मोठी बातमी: अवघे काही तास शिल्लक असताना ‘या’ तीन नगरपरिषदांच्या निवडणुकीला ब्रेक, कोर्टाचा महत्त्वाचा आदेश

Nanded Love Story Crime: नांदेडच्या लव्हस्टोरीचा रक्तरंजित शेवट, पोलिसांच्या तपासात मुलीच्या वडिलांकडून वेगळीच माहिती समोर, म्हणाले…

आणखी वाचा