नाश्ता हा आपल्या दैनंदिन दिनचर्येचा एक महत्त्वाचा भाग मानला जातो. रात्रीच्या झोपेनंतर शरीराला ऊर्जेची गरज असते, त्यामुळं नाश्ता करणं आरोग्यासाठी महत्त्वाचं असतं. बऱ्याचदा बहुतांश जण सकाळी जड, मसालेदार पदार्थ खातात, ज्यामुळे दिवसभर अपचनाचे त्रास होतात. तसेच ठराविक वेळेनंतर नाश्ता केल्यानेही त्रास होऊ शकतो. नकळत सकाळी काही चुका केल्याने दिवसभर आळस येतो, त्यामुळं नाश्ता करण्याची योग्य वेळ कोणती? नाश्ता करताना कोणत्या चुका टाळाव्यात? हे पाहूया… ( What is the right time for breakfast ? )
नाश्ता करण्याची योग्य वेळ कोणती?
पोषणतज्ञ सांगतात, नाश्ता करण्याची योग्य वेळ सकाळी ७ ते ९ दरम्यान असते. सकाळी १० नंतर नाश्ता करणं टाळावे. तसेच नाश्त्यात नेहमी हलके आणि प्रथिनेयुक्त पदार्थ असले पाहिजेत. यामुळे चयापचय वाढतो आणि शरीराला भरपूर ऊर्जा मिळते. त्यामुळं दिवसभर ताजेतवाने वाटते.
नाश्त्याच्या वेळी या चुका टाळणं गरजेचं आहे. नाही तर पचनाचे त्रास वाढण्याची शक्यता असते.
अंघोळ
नाश्त्यानंतर लगेच आंघोळ करणे टाळा. आयुर्वेदानुसार, आंघोळीमुळे शरीरातील पाचनशक्ती कमी होते, ज्यामुळे अन्नाचे पचन मंदावते. जर तुम्ही नाश्त्यानंतर लगेच आंघोळ करत असाल तर ही सवय बदला.
नाश्ता वगळणे
बरेच लोक झोपेच्या खराब चक्रामुळे नाश्ता वगळतात. पण तुम्हाला माहित आहे का की ही सर्वात मोठी चूक ठरू शकते. कारण रात्री झोपल्यानंतर शरीराला उर्जेची म्हणजेच ग्लुकोजची आवश्यकता असते आणि नाश्ता न केल्याने तुम्हाला दिवसभर खूप थकवा जाणवू शकतो.
कमी खाणे
बरेच लोक नाश्त्यात खूप कमी अन्न खातात, ज्यामुळे शरीराला आवश्यक पोषक तत्वे मिळत नाहीत. यामुळे दिवसभर थकवा आणि सुस्ती जाणवू शकते. त्यामुळं नाश्ता हा पोटभर करावा. त्यात प्रथिनेयुक्त पदार्थांचा समावेश असावा.
Comments are closed.