Food Safety Tips: स्टीलच्या भांड्यात चुकूनही ठेवू नयेत ‘या’ गोष्टी; स्लो पॉयझन बनून ठरतात घातक

स्टीलचे भांडे आणि डबे वर्षानुवर्षे भारतीय स्वयंपाकघरात वापरले जातात. अगदी अन्न शिजवण्यापासून ते साठवण्यापर्यंत त्याचा वापर केला जातो. पण तुम्हाला माहित आहे का? काही पदार्थ त्यात ठेवल्याने आरोग्यासाठी घातक ठरू शकतं. तसेच या गोष्टी स्टीलच्या भांड्यात ठेवल्याने त्याची चवही बदलण्याची शक्यता असते. काही गोष्टी स्टीलच्या भांड्यात साठवल्यावर रासायनिक रिॲक्शन होऊ शकते, ज्यामुळे आरोग्यावर परिणाम होऊ शकतो. स्टीलच्या डब्यात काय ठेवू नये ते जाणून घेऊया… ( food items that should not be stored in steel containers )

दही
दह्यात आम्ल असते. स्टीलच्या डब्यात जास्त काळ दही साठवल्यास ते लवकर खराब होऊ शकते आणि त्याची चव बदलू शकते. त्यामुळं दही नेहमी काच, प्लास्टिक किंवा मातीच्या भांड्यात ठेवावं.

फळे
टरबूज, पपई, सफरचंद किंवा संत्री यांसारखी कापलेली फळे स्टीलच्या डब्यात साठवल्यास त्यांचा रंग आणि चव बदलू शकते. म्हणून ही फळे नेहमी प्लास्टिक, काचेच्या डब्यात ठेवावे.

टोमॅटोचे पदार्थ
टोमॅटोमध्येही आम्ल जास्त प्रमाणात असते. स्टीलच्या डब्यात टोमॅटोपासून बनलेले पदार्थ जसे की, सॉस, सूप, प्युरी साठवल्याने त्याची चव जास्त आंबट होऊ शकते आणि रंगही बदलू शकतो. हे पदार्थ ठेवण्यासाठी काचेचे किंवा सिरेमिक कंटेनर डबे वापरावे.

लोणचे
लोणच्यामध्ये भरपूर मीठ असते. त्यामुळे ते स्टीलच्या डब्यात ठेवल्याने रिॲक्शन होऊ शकते. यामुळे लोणच्याची चव बदलू शकते. म्हणून, नेहमी काचेच्या किंवा सिरेमिक कंटेनरमध्ये लोणचे साठवा.

लिंबू आणि आम्लयुक्त पदार्थ
लिंबू, डाळिंब आणि आवळा हे देखील खूप आम्लयुक्त असतात. ते स्टील कंटेनरमध्ये जास्त काळ साठवल्याने भांडी हळूहळू काळी पडू लागतात आणि पदार्थांची चवही बदलते. त्यामुळे हे पदार्थ ठेवण्यासाठी प्लॅस्टिकचे डबे वापरावे.

स्टीलच्या भांड्यांमध्ये फक्त कमी आम्ल आणि कमी मीठ असलेले पदार्थ ठेवावे. लोणचे, दही, टोमॅटो, फळे आणि लिंबू स्टीलच्या भांड्यात साठवणे आरोग्यासाठी हानिकारक असू शकते. या गोष्टी काचेच्या, सिरेमिक किंवा प्लास्टिक कंटेनरमध्ये ठेवणे चांगले असते. यामुळे चव बदलत नाही आणि आरोग्यालाही धोका नसतो.