अभिषेक शर्मा टी20 क्रिकेटचा नवा 'किंग'; हिटमॅनच्या रेकॉर्डशी बरोबरी, विराटचा विश्वविक्रम लवकरच मोडणार!

सय्यद मुश्ताक अली ट्रॉफीमध्ये बंगालविरुद्धच्या धमाकेदार शतकाने अभिषेक शर्माने खळबळ उडवून दिली. आयसीसीचा नंबर 1 टी20 फलंदाज अभिषेक शर्माने बंगालविरुद्ध 52 चेंडूत 148 धावा केल्या, ज्यामध्ये 8 चौकार आणि 16 उत्तुंग षटकारांचा समावेश होता. या खेळीदरम्यान, त्याने फक्त 12 चेंडूत अर्धशतक झळकावून त्याचा मार्गदर्शक युवराज सिंगच्या विक्रमाशी बरोबरी केली. त्याने 32 चेंडूत भारतासाठी टी20 मधील दुसरे सर्वात जलद शतकही झळकावले. या शतकासह, अभिषेक शर्माने रोहित शर्माच्या विक्रमाशीही बरोबरी केली. तो आता 8 शतकांसह भारतासाठी टी20 मध्ये संयुक्तपणे दुसऱ्या क्रमांकाचा सर्वाधिक फलंदाज बनला आहे.

रोहित शर्माने आंतरराष्ट्रीय क्रिकेटमधील 5 शतकांसह टी20 मध्ये एकूण 8 शतके झळकावली आहेत. अभिषेक शर्माने आता त्याच्या टी20 कारकिर्दीतील 8वे शतक झळकावून हिटमॅनची बरोबरी केली आहे. या आठ शतकांपैकी दोन शतके आंतरराष्ट्रीय स्तरावर आली.

आता, अभिषेक शर्मा टी-20 क्रिकेटमध्ये भारताचा “शतकवीर बादशहा” बनण्याचे ध्येय ठेवत आहे. भारतासाठी क्रिकेटच्या सर्वात लहान स्वरूपात सर्वाधिक शतके करण्याचा विक्रम विराट कोहलीच्या नावावर आहे. कोहलीने त्याच्या टी-20 कारकिर्दीत नऊ शतके ठोकली आहेत. शतकवीर बादशहा बनण्यासाठी अभिषेक शर्माला फक्त दोन शतकांची आवश्यकता आहे. अभिषेक शर्माची कारकीर्द नुकतीच सुरू झाली आहे आणि तो विराट कोहलीचा विक्रम सहजपणे मोडू शकतो.

टी-20 मध्ये सर्वाधिक शतके (भारतीय)

9 – विराट कोहली
8 – अभिषेक शर्मा*
8 – रोहित शर्मा
७ – केएल राहुल
6 – ऋतुराज गायकवाड
6 – संजू सॅमसन
6 – शुभमन गिल
६ – सूर्यकुमार यादव

अभिषेक शर्माची 148 धावांची खेळी टी-20 क्रिकेटमध्ये भारतीय फलंदाजाने केलेली दुसरी सर्वोच्च खेळी आहे. सर्वाधिक स्कोअरचा विक्रम तिलक वर्माच्या नावावर आहे, ज्याने 2024 मध्ये मेघालयविरुद्ध नाबाद 151 धावा केल्या होत्या. दरम्यान, श्रेयस अय्यर 55 चेंडूत 147 धावा करत तिसऱ्या स्थानावर घसरला आहे.