अभिषेक शर्मा 52 चेंडूत 148 धावा: सय्यद मुश्ताक अली ट्रॉफी 2025 मध्ये पंजाबचा कर्णधार अभिषेक शर्माने धुमाकूळ घातला. ज्यामुळे संपूर्ण क्रिकेटविश्वात फक्त त्याच्याच नावाची चर्चा सुरू झाली. बंगालविरुद्धच्या सामन्यात त्याने तुफानी अर्धशतक ठोकत इतिहास रचला. आणि सगळ्यात खास म्हणजे त्याने 50 धावा एकही रन न धावत, फक्त चौकार-षटकार मारत ठोकल्या आणि अशा प्रकारे त्याने आपल्या गुरु युवराज सिंगची बरोबरीही साधली.
अभिषेक शर्माची वादळी खेळी
बंगालविरुद्धच्या सामन्यात अभिषेकने अवघ्या 12 चेंडूंमध्ये अर्धशतक ठोकले. टी20 क्रिकेटच्या इतिहासातील हे संयुक्तरित्या तिसऱ्या क्रमांकाचे सर्वात जलद अर्धशतक आहे. हाच कारनामा त्याच्या गुरू युवराज सिंगने 2007 मध्ये इंग्लंडविरुद्ध केला होता. अभिषेकने फिफ्टीपर्यंत पोहोचण्यासाठी 5 चौकार आणि 5 षटकार मारले, म्हणजे संपूर्ण 50 धावा फक्त चौकार-षटकार मारत केल्या.
अभिषेक शर्माकडून संपूर्ण नरसंहार, SMAT येथे केवळ 52 चेंडूत 142 धावा. असे तुम्ही विधान करता. मोठे अभिनंदन! 💥🏏 pic.twitter.com/H7sTFTQBFf
— शिखर धवन (@SDhawan25) 30 नोव्हेंबर 2025
8 चौकार आणि 16 षटकार….
अभिषेकच्या आक्रमक सुरुवातीमुळे पंजाबने पॉवरप्लेमध्येच विकेट न गमावता 93 धावा केल्या. अभिषेकने प्रभसीमन सिंगसोबत सय्यद मुश्ताक अली ट्रॉफी (SMAT) च्या इतिहासातील पहिल्या विकेटसाठी सर्वाधिक 205 धावांची भागीदारी केली. अभिषेकने SMAT इतिहासातील दुसरी सर्वोच्च वैयक्तिक खेळी देखील खेळली, 52 चेंडूत 148 धावा केल्या. त्याने 8 चौकार आणि 16 षटकार मारले. लवकरच टीम इंडिया दक्षिण आफ्रिकेविरुद्ध टी20 मालिका खेळणार आहे, अशा वेळी अभिषेकचा हा फॉर्म भारतीय संघासाठी मोठा दिलासा आहे.
बंगालविरुद्ध अभिषेकने मोडलेले विक्रम
- सामन्यादरम्यान अभिषेक शर्माने 12 चेंडूत अर्धशतक झळकावले, जे भारतीय खेळाडूचे दुसरे सर्वात जलद टी20 अर्धशतक आहे. पहिले स्थान आशुतोष शर्माचे आहे, ज्याने अरुणाचल प्रदेशविरुद्ध रेल्वेसाठी 11 चेंडूत अर्धशतक झळकावले.
- अभिषेक शर्माने सामन्यादरम्यान 32 चेंडूत आपले शतक पूर्ण केले, जे भारतीय खेळाडूचे तिसरे सर्वात जलद टी20 शतक आहे.
- डावाची सुरुवात करताना डावखुरा अभिषेक शर्माने प्रभसिमरन सिंगसोबत 205 धावांची भागीदारी केली, जी सय्यद मुश्ताक अली ट्रॉफीच्या इतिहासातील सर्वोच्च सलामी भागीदारी आहे.
- या स्फोटक खेळीसह, त्याने एसएमएटी इतिहासातील दुसऱ्या क्रमांकाची वैयक्तिक धावसंख्या देखील केली. सामन्यादरम्यान त्याने 52 चेंडूत 148 धावा करण्यात यश मिळवले.
- अभिषेकने 148 धावांच्या त्याच्या स्फोटक खेळीदरम्यान एकूण 16 षटकार मारले, जे एसएमएटी इतिहासात एकाच सामन्यात मारलेल्या षटकारांची संख्या आहे.
- अभिषेकच्या स्फोटक फलंदाजीमुळे पंजाबने 20 षटकांत 5 गडी गमावून 310 धावा केल्या, जे एसएमएटीच्या इतिहासात 300 पेक्षा जास्त धावसंख्या उभारण्याची दुसरी वेळ आहे. बडोद्याने पहिल्यांदा 2023 मध्ये 300 धावसंख्या गाठली होती. त्या काळात त्यांनी सिक्कीमविरुद्ध 349 धावा केल्या.
हे ही वाचा –
आणखी वाचा
Comments are closed.