विराट कोहलीचा धमाका! रिकी पाँटिंगचा जागतिक विक्रम मोडत आंतरराष्ट्रीय क्रिकेटमध्ये रचला इतिहास

साऊथ आफ्रिकेविरुद्धच्या पहिल्या वनडे सामन्यात विराट कोहलीने इतिहास रचला. आंतरराष्ट्रीय क्रिकेटमध्ये नंबर 3 स्थानावर फलंदाजी करताना सर्वाधिक षटकार ठोकणारा खेळाडू म्हणून कोहली आता अव्वल ठरला आहे. कोहलीने रिकी पॉन्टिंगचा जागतिक विक्रम मोडला आहे. पॉन्टिंगने इंटरनॅशनल क्रिकेटमध्ये नंबर 3 वर खेळताना 217 षटकार मारले होते.

तर विराट कोहलीने आता नंबर 3 वर फलंदाजी करताना 218 षटकार ठोकत हा विक्रम मोडला आहे. या यादीत तिसऱ्या स्थानावर कुमार संगकारा आहे, ज्यांच्या नावावर नंबर 3 वर फलंदाजी करताना 131 षटकारांचा विक्रम नोंदवला गेला आहे.

साऊथ आफ्रिकाने रविवारी जेएससीए इंटरनॅशनल स्टेडियममध्ये होणाऱ्या वनडे मालिकेच्या पहिल्या सामन्यात टॉस जिंकून फलंदाजीऐवजी गोलंदाजीचा निर्णय घेतला आहे. भारतीय संघाने या सामन्यात तीन फिरकीपटूंना सामावून टीम उतरण्याचा निर्णय घेतला आहे, तर साऊथ आफ्रिकाने चार सीमर्स आणि एक फिरकीपटू निवडले आहेत. केशव महाराज आणि टेंबा बावुमा या सामन्यात खेळत नाहीत. बावुमाच्या जागी एडेन मार्करम साऊथ आफ्रिकन संघाचे नेतृत्व करत आहेत.

भारताची प्लेइंग इलेव्हन:
रोहित शर्मा, यशस्वी जयस्वाल, विराट कोहली, ऋतुराज गायकवाड, वॉशिंग्टन सुंदर, केएल राहुल (विकेटकीपर), रवींद्र जडेजा, हर्षित राणा, कुलदीप यादव, अर्शदीप सिंग, प्रसिद्ध कृष्णा.