Natural Air Purifier Tips: एअर प्युरिफायर घेताय? ‘हे’ उपाय केल्यास घरातील हवा राहील शुद्ध

बाहेर हवेतील प्रदूषण झपाट्याने वाढत आहे. अशा परिस्थितीत, घरातील हवा स्वच्छ ठेवणे अत्यंत महत्त्वाचे आहे. कारण हवेतील धूळ आणि प्रदूषणामुळे रोकप्रतिकारकशक्ती कमकुवत होते. त्यामुळं काही सोप्या टिप्स वापरून तुम्ही घरातील हवा राहील शुद्ध ठेवू शकता. यामुळे तुम्हाला ताजेपणा, ऊर्जा जाणवते आणि चांगली झोप लागण्यासही मदत होते. ( how to purify air in house naturally )

खिडक्या उघडा
सकाळचे तास सर्वात हवेत सर्वाधिक प्रदूषित असते. त्यामुळं सकाळी १० वाजण्यापूर्वी खिडक्या उघडणे टाळा. सकाळी १० वाजल्यानंतर, हवा थोडी स्वच्छ होते, ज्यामुळे ताजी हवा घरात प्रवेश करते. यामुळे घरातील हवेची गुणवत्ता सुधारते.

स्वच्छता
घरात कोरड्या कापडाऐवजी ओलसर मायक्रोफायबर कापडाने स्वच्छता करावी. कारण कोरड्या कापडाने स्वच्छता केल्यास धुळीचे कण हवेत उडतात. त्यामुळे घरातील फर्निचर, खिडकीच्या कड्या, दारं आणि इलेक्ट्रॉनिक वस्तूंची नियमितपणे स्वछता करावी.

कापूर
घरात कापूर जाळल्याने हवेतील बॅक्टेरिया आणि दुर्गंधी कमी होते. तसेच गूळ आणि तूप कमी आचेवर थोड्या वेळासाठी गरम करून घरात ठेवल्याने एक सौम्य सुगंध येतो, ज्यामुळे फ्रेश वाटते.

हवा शुद्ध करणारी झाडे
अरेका पाम, स्नेक प्लांट, मनी प्लांट आणि पीस लिली सारखी झाडे घरात ऑक्सिजन लेव्हल वाढवतात आणि विषारी घटक देखील कमी करतात. तुम्ही लिव्हिंग रूम, बेडरूम आणि स्वयंपाकघरात ही रोपं ठेवू शकता.

व्हेंटिलेशन
स्वयंपाकघरातील गॅस, बाथरूममधील आर्द्रता आणि स्वच्छतेसाठी वापरल्या जाणाऱ्या रसायनांमुळे घरातील प्रदूषण वाढते. म्हणून, स्वयंपाकघरात आणि बाथरूममध्ये एक्झॉस्ट फॅन लावा. घरात व्हेंटिलेशन असल्यास छान वाटते.