कोहली-रोहित चमकले, पण दक्षिण आफ्रिकेने घाम फोडला! रांचीत वनडेत शेवटच्या षटकात टीम इंडियाचा विजय

भारताने दक्षिण आफ्रिकेचा पहिला एकदिवसीय सामना केला. भारत आणि दक्षिण आफ्रिका यांच्यातील 3 सामन्यांच्या रोमांचक टी-20 मालिकेतील पहिला सामना रांचीच्या जेएससीए आंतरराष्ट्रीय स्टेडियमवर खेळवला गेला. ज्या टी20 सामन्यात शेवटच्या षटकात टीम इंडियाने दक्षिण आफ्रिकेचा 17 धावांनी पराभव करत विजय मिळवला. या विजयासह भारताने 3 सामन्यांच्या मालिकेत 1-0 अशी आघाडी घेतली आहे. भारतीय संघाचा हा विजय विराट कोहली आणि रोहित शर्मा यांच्या दमदार कामगिरीमुळे अधिक संस्मरणीय ठरला.

प्रथम फलंदाजी करताना भारताने विराट कोहलीच्या शतक आणि रोहित शर्मा आणि केएल राहुलच्या अर्धशतकांच्या जोरावर 50 षटकांत आठ बाद 349 धावा केल्या. प्रत्युत्तर दक्षिण आफ्रिकेचा संघ 49.2 षटकांत 332 धावांतच गारद झाला. पाहुण्या संघाकडून मॅथ्यू ब्रिट्झके (72), मार्को जॅन्सन (70) आणि कॉर्बिन बॉश (67) यांनी अर्धशतके झळकावली. भारताकडून कुलदीप यादवने चार, तर हर्षित राणा यांनी तीन बळी घेतले. अर्शदीप सिंगने दोन, तर प्रसिद्ध कृष्णाने एक बळी घेतला.

पहिल्या एकदिवसीय सामन्यात दक्षिण आफ्रिकेविरुद्ध दणदणीत विजय मिळवण्यासाठी भारताने आपले मन बळकट केले#INDvSA 📝: https://t.co/tnte0Vp08D pic.twitter.com/hwQYCDYdeO

— ICC (@ICC) 30 नोव्हेंबर 2025

रोहित-विराटची 136 धावांची शतकी भागीदारी

पहिल्यांदा फलंदाजीसाठी उतरलेल्या टीम इंडियाची सुरुवात मात्र काही खास झाली नाही. फक्त चौथ्याच षटकात यशस्वी जैस्वाल 18 धावांवर बाद झाला. त्याच ओव्हरमध्ये रोहित शर्माचा एक झेलही सुटला. पण त्यानंतर रोहित आणि विराट कोहली याने डाव सावरला. रोहित-विराट यांनी मिळून 136 धावांची शतकी भागीदारी करत दक्षिण आफ्रिकेवर दबाव आणला. या सामन्यात रोहित शर्माने शाहिद आफ्रिदीचा विक्रम मोडत वनडेमधील सर्वाधिक षटकार ठोकणारा खेळाडू बनला.

रोहित OUT झाला, पण कोहलीने ठोकले शतक

टीम इंडिला दुसरा धक्का 22व्या षटकात बसला, जेव्हा रोहित 51 चेंडूत 57 धावा करून बाद झाला. त्याने आपल्या खेळीत 5 चौकार आणि 3 षटकार लगावले. 27व्या षटकात ऋतुराज 8 धावांवर माघारी परतला, तर 31व्या षटकात वॉशिंग्टन सुंदर 13 धावांवर बाद झाला. यानंतर विराट कोहलीने जबरदस्त खेळी करत 38व्या षटकात आपले शतक पूर्ण केले. 102 चेंडूत शतक ठोकणाऱ्या कोहलीने अखेरीस 11 चौकार आणि 7 षटकारांच्या जोरावर 120 चेंडूत 135 धावा केल्या. त्याला नांद्रे बर्गरने बाद केले. शेवटी केएल राहुलनेही 60 धावांची महत्वाची खेळी करत भारताला मजबूत स्थितीत पोहोचवलं आणि टीम इंडियाने पहिल्या डावात 350 धावांचा डोंगर उभारला.

दक्षिण आफ्रिकेची खराब सुरुवात

350 धावांच्या लक्ष्याचा पाठलाग करण्यासाठी उतरलेल्या दक्षिण आफ्रिकेची सुरुवात अत्यंत खराब झाली. डावाच्या दुसऱ्याच षटकात हर्षित राणाने त्यांना दोन जबरदस्त धक्के दिले. आधी रयान रिकेल्टन बाद झाला आणि त्याच ओव्हरमध्ये क्विंटन डी कॉकलाही पॅव्हेलियनमध्ये पाठवलं. त्या वेळी आफ्रिकेचा स्कोर फक्त 7 धावा होता. यानंतर पाचव्या षटकात मार्करमही अर्शदीप सिंगचा शिकार झाला.

पुढे जोर्जी आणि मॅथ्यू यांनी डाव सावरण्याचा प्रयत्न करत चांगली भागीदारी रचली. मात्र 15व्या षटकात कुलदीप यादवने जोर्जीला बाद करून भारताला मोठा दिलासा दिला. त्यानंतर ब्रेविसने चांगली खेळी केली, पण 22व्या षटकात हर्षित राणा पुन्हा चमकला आणि ब्रेविस 37 धावांवर बाद झाला.

जान्सेन आणि ब्रिट्जकेची तुफानी फटकेबाजी, कुलदीपने दोघांना तंबूत धाडले

यानंतर जान्सेन आणि ब्रिट्जके यांनी 97 धावांची भागीदारी करत भारतावर दबाव आणण्याचा प्रयत्न केला. जान्सेनने केवळ 26 चेंडूत अर्धशतक ठोकले. परंतु 33व्या षटकात कुलदीप यादवने ही भागीदारी मोडत जान्सेनला 39 चेंडूत 70 धावांवर बाद केले. त्याच्या खेळीत 8 चौकार आणि 3 षटकार होते. याच षटकात कुलदीपने ब्रिट्जकेलाही तंबूत धाडले. ब्रिट्जकेने 72 धावा केल्या. पण त्यानंतर, बर्गर आणि बॉसने एक चांगली भागीदारी केली. पण, अर्शदीपने 47 व्या षटकात बर्गरला बाद केले आणि सामना भारताच्या बाजूने फिरवला. दक्षिण आफ्रिकेला शेवटच्या षटकात 18 धावांची आवश्यकता होती, परंतु प्रसिद्ध कृष्णाने बॉसला बाद केले. यासह, दक्षिण आफ्रिकेचा संघ 332 धावांवर गारद झाला. भारताने मालिकेत 1-0 अशी आघाडी घेतली.

हे ही वाचा –

धोनीचा इलाका… पण धमाका किंग कोहलीचा! 135 धावा ठोकत रचला इतिहास, एकदिवसीय क्रिकेटमधील 7000 शतकं पूर्ण

आणखी वाचा