IND vs SA: हर्षित राणाचा दक्षिण आफ्रिकेच्या टॉप ऑर्डरवर जोरदार वार, हर्षितच्या कामगिरीवर प्रशिक्षक गंभीर खुश!

भारत आणि दक्षिण आफ्रिकेच्या (ODI Series IND vs SA) 3 सामन्यांच्या वनडे मालिकेचा पहिला सामना राँचीत खेळला जात आहे. भारतीय संघाने पहिल्यांदा फलंदाजी करताना 349 धावांचा भव्य स्कोअर केला. विराट कोहलीने (Virat Kohli) शतकीय खेळी केली, तर रोहित शर्मा (Rohit Sharma & KL Rahul) आणि केएल राहुल यांनी अर्धशतकं मारली. गोलंदाजीमध्ये हर्षित राणाने (Harshit Rana) दुसऱ्या षटकामध्येच दक्षिण आफ्रिकेच्या संघाची कमर मोडली. त्याने 2 आफ्रिकन फलंदाजांना डकवर बाद केले. हे पाहून प्रशिक्षक गौतम गंभीरही खुश झाले.

हर्षित राणाने पावरप्लेमध्ये भारतासाठी शानदार गोलंदाजी केली. त्याने आपल्या पहिल्या षटकाच्या पहिल्या चेंडूवर रियान रिकल्टनला गोल्डन डकवर बाद केले. त्यानंतर तिसऱ्या चेंडूवर क्विंटन डी कॉकला बाद केले. अशा प्रकारे त्याने सामन्याच्या सुरुवातीपासूनच टॉप ऑर्डरवर दबाव टाकला.

हर्षितच्या कमाल गोलंदाजीमुळे दक्षिण आफ्रिकेची कमर दुसऱ्या षटकामध्येच मोडली. त्याचे प्रदर्शन पाहून कोच गौतम गंभीर ड्रेसिंग रूममध्ये फार खूश झाले. नंतर हर्षितने 22 व्या षटकामध्ये धोकादायक दिसत असलेला डेवाल्ड ब्रेविसला देखील बाद केले.

भारताकडून रोहित शर्माने 51 चेंडूत 57 धावा केल्या. त्याने 5 चौकार आणि 3 षटकार मारले. विराट कोहलीने आपल्या वनडे करिअरातील 52 वं शतक झळकावलं. त्याने 120 चेंडूत 135 धावांची पारी खेळली आणि 11 चौकार व 7 षटकार मारले. अखेरीस केएल राहुलने शानदार फलंदाजी करत 56 चेंडूत 60 धावा केल्या. तसेच रवींद्र जडेजाने 20 चेंडूत 32 धावा केल्या.