भिंतीवर बिब्बा, नागाच्या आकाराचा खिळा; नेहाच्या घरात नको नको ते मिळालं, 7 पानी सुसाईड नोट लिहून

नाशिक क्राईम न्यूज : नाशिकच्या पंचवटीतील हिरावाडी परिसरात राहणाऱ्या नेहा संतोष पवार हिने 27 नोव्हेंबरला सासरच्या छळाला कंटाळून (Nashik Crime News) विषारी औषध सेवन करत आपलं जीवन संपवले होते. 7 पानांची सुसाईड नोट तिने आपल्या भावाला व्हॉट्स ऍपद्वारे पाठवली होती. दरम्यान याप्रकरणी पंचवटी पोलीसांकडून तपास सुरू असतांनाच एक धक्कादायक माहिती समोर आली आहे.

नेहाच्या सासरी पोलीसांनी घरझडती घेतली असता एका भिंतीवर बिब्बा आणि त्याला नागाच्या आकाराचा खिळा ठोकलेला पोलीसांना मिळाला असून पोलीसांनी ते सील केले आहे. याद्वारे नेहाला जादूटोणाची भिती दाखवायचा प्रयत्न केला जात होता, असा पोलीसांना संशय आहे. दरम्यान याबाबत पोलीसांनी नरबळी, जादूटोणा प्रतिबंधक कायद्यानूसार गुन्ह्यात कलम वाढवला असून आतापर्यंत नेहाचा नवरा, सासू आणि तीन नणंद अशा एकूण पाच जणांना अटक केली आहे.

नेमकं प्रकरण काय? (Nashik Crime News)

नेहा पवारने 7 पानांच्या सुसाईड नोटमध्ये अनेक धक्कादायक आरोप केले आहेत. यामध्ये लग्न झाल्यानंतर नवऱ्याने शारिरीक संबंधानंतर सील ब्लड निघाले नाही, म्हणून 15-20 दिवस संशय घेतला. मात्र नंतर सील ब्लड निघाले तेव्हा तो शांत झाला, असा आरोपही नेहाने सुसाईट नोटमध्ये केला आहे. 6 सप्टेंबर 2025 रोजी मासिक पाळी आली होती. पण माझ्या सासूला शंका आली की खोटं बोलते, म्हणून माझ्या नंदेला सासून सांगितले की, तिला पॅड लावून तापसून बघ…यानंतर नंदेनेही मला खरंच पॅड लावून तपासले. इतकेच नव्हे तर माझ्या नवऱ्याने देखील पाळी आली की नाही, तपासल्याचं नेहा पवारने सुसाईड नोटमध्ये म्हटलं आहे.

सुसाईड नोटमध्ये काय काय? (Nashik Crime News)

‘माझे नाव नेहा बापू डावरे उर्फ नेहा संतोष पवार असून, माझे लग्न 4 जून 2025 रोजी रेशीमबंध बँक्वेट हॉलमध्ये झाले. 10 मार्चला सुपारी फोडल्यावेळी माझ्या सासरच्यांनी म्हटले की, हुंडाप्रथा बंद आहे. तरी तुम्ही नवरदेवास त्याच्या अटी-शर्तीनुसार सोने, चांदी, पाच भांडे द्या. त्यानुसार माझ्या माहेरच्यांनी धुमधडाक्यात लग्न लावून दिले. लग्नानंतर सासरचे भांडण करीत नाही पण, मानसिक त्रास देतात.’ असे तिने चिठ्ठीत लिहिले आहे. ‘मोबाइलवर सारखी बोलते, घरकाम येत नाही, पतीला उलटसुलट सांगते. सिलिंडर टाकी एक महिन्यातच संपते. पतीचे लग्नाआधीपासून एका युवतीसोबत प्रेमसंबंध असून, पतीने तिला दोघांचे अश्लील फोटो दाखवले होते. सासरची आर्थिक परिस्थिती नाजूक असल्याने आणि सासरचे लोक पैशांची मागणी करू लागल्याने माहेरहून 20 हजार रुपये आणून दिले. दिवाळीसाठी 15 दिवस माहेरी पाठवले. मात्र, दहाव्या दिवशी सासू व पतीने सासरी येण्यास सांगितले. नियमित मासिक पाळी येत नसल्याने सासरच्या लोकांनी त्रास दिला. भाऊ सासरच्या लोकांना मी लिहिलेली चिठ्ठी सापडली तर ते गायब करतील, म्हणून चिठ्ठीचे फोटो काढून सगळ्यांना पाठवत आहे. माझे नशीब खराब असून, मला सासर चांगले मिळाले नाही. म्हणून मी आत्महत्या करीत आहे’, असेही तिने चिठ्ठीत लिहिले आहे.

राज्यासह देश-विदेशातील महत्वाच्या घडामोडी, VIDEO:

संबंधित बातमी:

Nashik Crime News: लग्नानंतर रक्त न आल्यानं संशय घेतला, मासिक पाळीवेळी पॅडला हात लावला; नाशिकमधील विवाहितेची अंगावर काटा आणणारी 7 पानांची सुसाईड नोट

आणखी वाचा