“सफरचंदाची तुलना…”, रोहित आणि आफ्रिदीची तुलना होताच माजी खेळाडूने केले मोठे विधान

रोहित शर्मा यांनी दक्षिण आफ्रिकेविरुद्धच्या पहिल्या वनडेत इतिहास रचला. पाकिस्तानचा माजी कर्णधार शाहिद आफ्रिदीचा जागतिक विक्रम त्यांनी आपल्या नावे केला. रोहितने 57 धावांच्या खेळीत 3 षटकार ठोकले आणि त्याचबरोबर वनडे क्रिकेटमध्ये सर्वाधिक षटकार मारणारा फलंदाज बनला. जवळपास 10 वर्षे हा विक्रम आफ्रिदीच्या नावे होता.

याबाबत रोहित आणि आफ्रिदीची तुलना करण्यात आली, मात्र भारताचे माजी क्रिकेटपटू अतुल वासन यांना ही तुलना अजिबात पटली नाही. त्यांनी हे ‘सफरचंदाची तुलना संत्र्याशी करण्यासारखे’ असल्याचे म्हटले.

टीम इंडियाने रांची येथे झालेल्या पहिल्या वनडेत 17 धावांनी विजय मिळवला. हा सामना शेवटच्या षटकापर्यंत अतिशय रोमांचक झाला. भारताने प्रथम फलंदाजी करत 349 धावांचा भल्यामोठा स्कोर उभा केला होता. विराट कोहलीने 135 धावांची अविस्मरणीय खेळी साकारली. रोहित शर्मा आणि केएल राहुल यांनी अर्धशतकी खेळी करत महत्त्वाचा वाटा उचलला.

रोहितने 3 षटकार ठोकत शाहिद आफ्रिदीचा वनडेमधील सर्वाधिक षटकारांचा जागतिक विक्रमही मोडीत काढला. रोहित शर्मा आणि शाहिद आफ्रिदी यांच्या विक्रमांच्या तुलनेवर माजी भारतीय क्रिकेटपटू अतुल वासन म्हणाले, “माझ्या मते, जर याची तुलना शाहिद आफ्रिदीच्या विक्रमाशी केली, तर ते सफरचंदाची तुलना संत्र्याशी करण्यासारखे आहे.”

अतुल वासन यांनी एएनआयशी बोलताना सांगितले, “जर याची तुलना शाहिद आफ्रिदीच्या विक्रमाशी केली, तर ते सफरचंदाची तुलना संत्र्याशी करण्यासारखे आहे. कारण ओपनर म्हणून हे साध्य करणे ही खूप मोठी गोष्ट आहे. आफ्रिदीची भूमिका अशी होती की नंतर येऊन आक्रमक खेळ करणे, डावाचा शेवट जोरदार करणे. पण एक ओपनर 100 डावांपेक्षा कमी खेळून इतका मोठा विक्रम करतो, याचा अर्थ भारतीय संघावर त्यांचा प्रभाव किती प्रचंड आहे हे स्पष्ट होते.”

त्यांनी पुढे सांगितले, “आपला ओपनर इतके उत्तम शॉट्स खेळतो, यावरून तुम्ही एक गोष्ट समजू शकता—की तो तुम्हाला किती वेळा सामना जिंकवतो. ओपनर म्हणून तो तुमचा स्ट्राइक रेट कायम उच्च ठेवतो, आणि हेच दर्शवते की तो आणि टीम इंडिया इतकी यशस्वी का आहे.”