भारतीय क्रिकेटचा उगवता तारा आणि 14 वर्षांच्या वैभव सूर्यवंशीसाठी (Vaibhav Suryavanshi) 2025 हे वर्ष खूपच शानदार ठरले. बिहारच्या समस्तीपूर येथील रहिवासी असलेल्या वैभवने आयपीएलमध्ये पदार्पण करताच एक तुफानी शतकी खेळी खेळून सगळ्यांचे लक्ष वेधून घेतले. त्यानंतर त्याने परदेशातही आपल्या नावाची चर्चा घडवून आणली आणि इमर्जिंग आशिया कपसारख्या स्पर्धांमध्ये आपल्या फलंदाजीचे कौशल्य दाखवले. चाहते त्याच्या आंतरराष्ट्रीय पदार्पणाची (International Debut) आतुरतेने वाट पाहत आहेत.
या दरम्यान, एका विशेष बाबतीत वैभवने 2025 मध्ये भारतीय खेळाडू म्हणून विराट कोहलीपासून (Virat Kohli) ते रोहित शर्मापर्यंत (Rohit Sharma) सर्वांना मागे टाकले आहे. त्याने सिद्ध केले आहे की तो आगामी काळातील सर्वात मोठा सुपरस्टार आहे.
2025 च्या गूगल ट्रेंड्स (Google Trends) च्या रिपोर्टनुसार, सर्वाधिक सर्च (Search) केलेल्या भारतीय स्पोर्ट्स खेळाडूंमध्ये वैभव सूर्यवंशी पहिल्या क्रमांकावर आहे. त्याच्या कामगिरीने आणि लोकप्रियतेने त्याला या वर्षाचा टॉप स्पोर्ट्स स्टार बनवले आहे. याबाबतीत त्याने विराट आणि रोहित यांनाही मागे टाकले आहे. वैभवने 12 वर्षांच्या वयात बिहारसाठी रणजी ट्रॉफीमध्ये पदार्पण केले होते आणि आता तो जागतिक क्रिकेटमध्ये एक प्रसिद्ध नाव बनला आहे.
या यादीत इतर खेळाडूंची क्रमवारी खालीलप्रमाणे आहे:
वैभव सूर्यवंशी
प्रियांश आर्य (दुसऱ्या क्रमांकावर)
अभिषेक शर्मा (तिसऱ्या क्रमांकावर)
शेख रशीद (चौथ्या क्रमांकावर)
जेमिमा रोड्रिग्ज (पाचव्या क्रमांकावर, महिला संघाची स्टार खेळाडू)
2025 मध्ये भारतात सर्वाधिक सर्च केलेल्या स्पोर्ट्स इव्हेंट्समध्ये IPL पहिल्या क्रमांकावर राहिले. त्यानंतर आशिया चषकाला (Asia Cup) सर्वाधिक सर्च केले गेले, ज्यात भारताने अंतिम सामन्यात पाकिस्तानला हरवले होते. याशिवाय, आयसीसी चॅम्पियन्स ट्रॉफी, प्रो कबड्डी लीग आणि महिला विश्वचषक यांचाही समावेश आहे. वैभव आणि आयपीएलच्या दमदार कामगिरीने 2025 हे वर्ष क्रिकेट चाहत्यांसाठी अविस्मरणीय बनवले.
Comments are closed.