जहीर इकबालच्या वाढदिवसानिमित्त सोनाक्षीची खास पोस्ट; फोटोत शत्रुघ्न सिन्हाही दिसले सोबत – Tezzbuzz

बॉलिवूड अभिनेता झहीर इकबाल आज त्याचा 37 वा वाढदिवस साजरा करत आहे. या खास दिवशी त्याची पत्नी आणि अभिनेत्री सोनाक्षी सिन्हाने सोशल मीडियावर एक भावूक पोस्ट शेअर करत झहीरला वाढदिवसाच्या शुभेच्छा दिल्या. सोनाक्षीने शेअर केलेल्या फोटोमध्ये तिचे वडील आणि ज्येष्ठ अभिनेते शत्रुघ्न सिन्हा देखील दिसत असून, तिघांच्या चेहऱ्यावरचे हसू चाहत्यांचे लक्ष वेधून घेत आहे.

इंस्टाग्राम स्टोरीवर पोस्ट केलेल्या या फोटोमध्ये सोनाक्षी तिच्या वडिलांना मिठी मारताना दिसते, तर झहीरकडे प्रेमळ नजरेने पाहत आहे. फोटोला तिने दिलेलं कॅप्शन अधिकच गोड आहे -“एकमेव पुरुष जो महत्त्वाचा आहे.” पुढे ती लिहिते, वाढदिवसाच्या शुभेच्छा… मी खूप भाग्यवान आहे की तू जन्माला आलास.” सोनाक्षीच्या या पोस्टवर चाहते आणि सहकलाकारांकडून शुभेच्छांचा वर्षाव होत आहे.

सोनाक्षी आणि झहीरची प्रेमकहाणीही तितकीच रोचक आहे. दोघांची सुरुवात मैत्रीने झाली आणि सात वर्षांच्या नात्यानंतर त्यांनी 23 जून 2024 रोजी मुंबईत एका खाजगी समारंभात लग्नगाठ बांधली. दोघांनीही आपल्या लग्नाबाबत बरीच गोपनीयता राखली होती.

झहीर इक्बालने 2014 मध्ये सहाय्यक दिग्दर्शक म्हणून करिअरला सुरुवात केली. त्याने 2019 मध्ये सलमान खान निर्मित ‘नोटबुक’ चित्रपटातून मुख्य अभिनेता म्हणून पदार्पण केले. त्यानंतर तो ‘डबल एक्सएल’मध्ये झळकला.

दरम्यान, सोनाक्षी सिन्हा (Saakshi Sinha)शेवटची अलौकिक थ्रिलर ‘जटाधारा’ मध्ये दिसली होती. या चित्रपटात तिने पैशाच्या हव्यासाने पछाडलेल्या राक्षसाची भूमिका साकारली होती. हा चित्रपट 7 नोव्हेंबर 2025 रोजी प्रदर्शित झाला. पुढील काळात ती संजय लीला भन्साळींच्या ‘हीरामंडी 2’ मध्ये एका महत्त्वाच्या भूमिकेत दिसणार आहे.झहीरच्या वाढदिवसानिमित्त चाहत्यांनी सोशल मीडियावर शुभेच्छांचा वर्षाव केला असून, सोनाक्षीची खास पोस्ट चर्चेत आहे.

दैनिक बोंबाबोंबचा व्हॉट्सॲप ग्रुप जॉईन करण्यासाठी या लिंकवर क्लिक करा

हेही वाचा

गुगल ट्रेंड्स 2025; ‘वॉर 2’ आणि ‘कांतारा’ला मागे टाकत या सुपरहिट चित्रपटाने मारली बाजी