पिटबुलने ६ वर्षाच्या चिमुरड्याचा कान कापला, दिल्ली उच्च न्यायालय याप्रकरणी कठोर, न्यायालयाने एमसीडीला दिले आदेश

न्यायालयाने एमसीडीला आदेश दिला

या प्रकरणाची सुनावणी करणारे न्यायमूर्ती सचिन दत्ता यांनी अंतरिम दिलासा देताना, भविष्यात अशी घटना पुन्हा होणार नाही याची खात्री होईपर्यंत कुत्र्याला सोडू नये, असे निर्देश एमसीडीला दिले. नुकसानभरपाईची जबाबदारी सरकारपेक्षा कुत्र्याच्या मालकाची आहे, असे तोंडी टिपण्णीत न्यायालयाने म्हटले आहे.

उच्च न्यायालयाने दिल्ली सरकारवर नाराजी व्यक्त केली

दोषीलाच नुकसान भरपाई द्यावी, असे दिल्ली सरकारच्या वकिलांनी दिल्ली उच्च न्यायालयात सांगितले. यावर न्यायालयाने सरकारला फटकारले आणि असे हल्ले रोखण्यासाठी एमसीडीच्या सहकार्याने ठोस पावले उचलण्याची गरज असल्याचे सांगितले. ही पहिलीच घटना नसल्याचा दावा याचिकेत करण्यात आला आहे. याच पिटबुलने यापूर्वीही अनेकांना चावा घेतला होता, मात्र पोलिसांत दाखल झालेल्या तक्रारींवर कोणतीही कारवाई झाली नाही.