पुण्यातील 'या' भागात बांधकाम सुरू, मेट्रो आणि बस स्थानकाला जोडणारा भुयारी मार्ग लवकरच सुरू होणार

पुणे मेट्रो न्यूज : शिक्षणाचे माहेरघर असलेल्या पुणे शहरातील नागरिकांसाठी एक महत्त्वपूर्ण अपडेट समोर येत आहे. पुण्यातील महत्त्वाच्या भागात भुयारी मार्ग विकसित करण्यात येत आहे. स्वारगेट मेट्रो स्टेशन आणि बस स्थानकाला जोडणारा हा भुयारी मार्ग लवकरच पुणेकरांच्या सेवेत दाखल होणार आहे.

या भुयारी मार्गाचे काम आता पूर्ण झाले असून त्यामुळे वाहतूक कोंडी मोठ्या प्रमाणात कमी होणार आहे. स्वारगेट मेट्रो स्टेशन आणि बस स्थानक यांना जोडणारा हा अतिशय महत्त्वाचा प्रकल्प आहे.

हा भूमिगत पादचारी मार्ग आता पूर्ण झाला असून येत्या काही दिवसांत हा मार्ग सर्वसामान्यांसाठी खुला होणार आहे. त्यामुळे स्वारगेट परिसरातील गर्दी आणि वाहतूक कोंडी बऱ्याच अंशी कमी होण्याची शक्यता आहे.

मेट्रो आणि बसस्थानकाला जोडणाऱ्या प्रकल्पाचे बांधकाम पूर्ण झाले असून, या प्रकल्पाची पाहणी लवकरच पूर्ण होणार आहे. मार्ग सुरू करण्यापूर्वी या मार्गाची रेल्वे सुरक्षा आयुक्त (CRS), दिल्ली यांनी अंतिम सुरक्षा तपासणी करणे आवश्यक आहे.

दरम्यान, येत्या काही दिवसांत तपासणी पूर्ण होऊन हा रस्ता सार्वजनिक वापरासाठी खुला केला जाईल, असा अंदाज तज्ज्ञांनी व्यक्त केला आहे. स्वारगेट परिसर हे शहरातील महत्त्वाचे वाहतूक केंद्र आहे.

महामार्ग, एसटी बससेवा, पीएमपीएमएल बस आणि मेट्रोमुळे स्वारगेटवर दिवसभर प्रचंड वाहतूक असते. सध्या पादचाऱ्यांना मेट्रो स्टेशनवर जाण्यासाठी स्वारगेट चौक ओलांडून जावे लागते.

या चौकातून दुचाकीपासून अवजड वाहनांची वाहतूक सुरू असते. त्यामुळे चौक ओलांडताना पादचाऱ्यांना जीव मुठीत धरून बसावे लागते. दररोज हजारो प्रवासी धोकादायक परिस्थितीत रस्ता ओलांडत असल्याने, सुरक्षित पर्यायाची गरज अधोरेखित झाली.

नवीन भुयारी मार्गामुळे हा धोका बऱ्याच प्रमाणात कमी होईल. स्वारगेट बस स्टँड आणि मेट्रो स्टेशन ही दोन्ही ठिकाणे प्रवाशांसाठी मोक्याची ठिकाणे आहेत आणि त्यांना भूमिगत मार्गाने जोडल्याने पादचाऱ्यांसाठी सुरक्षित, जलद आणि सोयीस्कर पर्याय उपलब्ध होईल.

पावसाळा असो की उन्हाळा, या मार्गावरून दोन स्थानकांमधला प्रवास पूर्णपणे निर्विघ्न आणि आरामदायी असेल. पुण्यातील मेट्रो सेवा हळूहळू सर्वसामान्यांच्या दैनंदिन प्रवासाचा अविभाज्य भाग बनत चालली आहे.

स्वारगेटवरून शहराच्या विविध भागात जाणाऱ्या नागरिकांची संख्या लक्षणीय आहे. मेट्रोमुळे प्रवासाचा वेळ कमी झाला असला तरी स्थानकांदरम्यान सुरक्षित कनेक्टिव्हिटीची गरज होती. हा पदपथ खुला झाल्यास स्वारगेट चौकातील गर्दी कमी होऊन वाहतूक सुरळीत होण्यास मदत होईल.

दरम्यान, या मार्गाच्या अंतर्गत सुविधा, देखरेख यंत्रणा आणि सुरक्षा निकषांची पूर्तता करण्यात आल्याची माहिती मेट्रो प्रशासनाने दिली आहे. सुरक्षा तपासणीनंतर लवकरच हा रस्ता नागरिकांसाठी खुला होईल, अशी अपेक्षा आहे.