सूर्यकुमार यादव दक्षिण आफ्रिकेविरुद्धच्या तिसऱ्या सामन्यातही फ्लॉप, मोहम्मद कैफ यांनी दिला सल्ला!

भारत आणि दक्षिण आफ्रिका यांच्यात सुरू असलेल्या 5 सामन्यांच्या टी20 मालिकेतील तिसरा सामना काल रात्री म्हणजेच (14 डिसेंबर, 2025) रोजी धर्मशाला येथील हिमाचल प्रदेश क्रिकेट असोसिएशन स्टेडियमवर खेळला गेला. या सामन्यातही भारतीय संघाचा टी20 कर्णधार सूर्यकुमार यादवचा फ्लॉप शो पाहायला मिळाला आणि आतापर्यंत मालिकेतील तिन्ही सामन्यांत त्याच्या बॅटमधून धावा निघाल्या नाहीत.

माजी भारतीय क्रिकेटपटू मोहम्मद कैफ यांनी टीम इंडियाचा कर्णधार सूर्यकुमार यादवला तिसऱ्या टी20 सामन्यात मागील सामन्यातील चूक पुन्हा केल्याबद्दल कठोर शब्दात फटकारले आहे. सूर्यकुमारच्या फॉर्मबद्दल सतत प्रश्नचिन्ह उपस्थित केले जात आहे, कारण तो सतत अपयशी ठरत आहे. तसेच, धर्मशाला येथे झालेल्या तिसऱ्या टी20 सामन्यात त्याने 11 चेंडू खेळल्यानंतर केवळ 12 धावा करून तो बाद झाला.

कैफ यांनी त्यांच्या यूट्यूब चॅनलवर बोलताना सांगितले की, 118 धावांचे लक्ष्याचा पाठलाग करताना कर्णधाराने आपल्या नेहमीच्या क्रमांकावर फलंदाजी करायला हवी होती, ज्यामुळे तो नाबाद राहून सामना संपवू शकला असता. ते म्हणाले की, टी20 विश्वचषकापूर्वी सूर्यकुमारसाठी हे 30-40 धावा खूप उपयुक्त ठरले असते.
कैफ पुढे म्हणाले, ‘सूर्यकुमार यादवला आज क्रमांक 3 वर फलंदाजी करण्याची संधी होती. कारण भारताने सामना जिंकला होता आणि पॉवरप्ले देखील चांगला झाला होता. त्याला क्रमांक 3 वर येऊन पिचवर वेळ घालवण्याची आणि 30 किंवा 40 धावा करून नाबाद राहण्याची संधी होती. हे पुढील सामन्यांसाठी चांगले झाले असते. तो एक मजबूत खेळाडू आहे आणि त्याच्या फलंदाजीच्या क्षमतेवर कोणताही प्रश्न नाही.’

त्यांनी पुढे सांगितले, ‘प्रश्न त्याच्या फॉर्मवर आहे, कारण तो एक उत्कृष्ट खेळाडू राहिला आहे, त्यामुळे त्याच्या फॉर्मवर प्रश्नचिन्ह उभे राहत आहे. त्याच्याकडे फलंदाजी करण्याची आणि नाबाद राहण्याची चांगली संधी होती, जी विश्वचषकापूर्वी उर्वरित टी20 सामन्यांसाठी चांगली ठरली असती. एक डाव कोणत्याही खेळाडूला बदलू शकतो.’