डेव्हॉन कॉनवे-टॉम लॅथम जोडीने मिळून विश्वविक्रम रचला, हे NZ च्या ९५ वर्षांच्या इतिहासात दुसऱ्यांदा घडले.

किवी कर्णधार लॅथमने 246 चेंडूत 15 चौकार आणि 1 षटकार मारत 137 धावा केल्या. कॉनवे 279 चेंडूंत 178 धावा करून नाबाद राहिला, ज्यात त्याने 25 चौकार मारले.

नाणेफेक जिंकून प्रथम फलंदाजी करताना न्यूझीलंडने चांगली सुरुवात केली आणि कॉनवे-लॅथम यांनी मिळून पहिल्या विकेटसाठी 86.4 षटकांत 323 धावांची भागीदारी केली. न्यूझीलंडच्या 95 वर्षांच्या कसोटी इतिहासात पहिल्या विकेटसाठी 300 किंवा त्याहून अधिक धावांची भागीदारी होण्याची ही दुसरी वेळ आहे.