प्रजासत्ताक दिनासाठी पाहुण्यांची नावे निश्चित करण्यात आली आहेत.

युरोपियन देशांच्या प्रतिनिधींची मुख्य उपस्थिती

वृत्तसंस्था/नवी दिल्ली

2026 च्या प्रजासत्ताक दिन सोहळ्यासाठी भारताने एक मोठे राजनैतिक पाऊल उचलले आहे. 26 जानेवारी रोजी युरोपियन कमिशनच्या अध्यक्षा उर्सुला वॉन डेर लेयन आणि युरोपियन कौन्सिलचे अध्यक्ष अँटोनियो कोस्टा प्रमुख पाहुणे म्हणून उपस्थित राहणार आहेत. भारताने घेतलेला हा निर्णय केवळ एक समारंभच नाही तर तो एक मोठा उद्देश पूर्ण करणार असल्याचे मानले जात आहे.

भारत आणि युरोपियन युनियन यांच्यातील मुक्त व्यापार करार अंतिम करण्याच्यादृष्टीने 27 जानेवारी रोजी भारत-ईयू शिखर परिषदेत दोन्ही बाजू या ऐतिहासिक करारावर शिक्कामोर्तब करतील अशी अपेक्षा आहे. दशकांपासून प्रलंबित असलेला हा करार प्रत्यक्षात आणण्यासाठी पियुष गोयल आणि ईयू मधील वाणिज्य मंत्रालयाचे अधिकारी दिवस-रात्र काम करत आहेत.

प्रजासत्ताक दिनी ‘ईयू’च्या सर्वोच्च नेतृत्वाला आमंत्रित करणे हा भारताच्या विचारपूर्वक केलेल्या धोरणाचा एक भाग आहे. या पावलावरून नवी दिल्लीचा युरोपसोबतचे राजनैतिक आणि आर्थिक संबंध एका नवीन पातळीवर नेण्याचा हेतू स्पष्टपणे दिसून येतो. फेब्रुवारी 2025 मध्ये ईयू आयुक्तांच्या भारत भेटीपासून दोन्ही बाजूंमधील संबंध मजबूत झाले आहेत. आता, दोन प्रमुख ईयू व्यक्तींचे भारतात एकत्र आगमन होताच जगाला एक महत्त्वाचा संदेश मिळेल. ही भेट व्यापार आणि संरक्षणावर केंद्रित असणार आहे. लोकांमधील परस्पर सहकार्य (पीपल-टू-पीपल एक्सचेंज) वाढवण्यासाठी तंत्रज्ञान ‘गेम चेंजर’ ठरू शकते.