मालवण नगरपरिषदेत निलेश राणेंनी गुलाल उधळला, नितेश राणेंना धक्का, कोकणात काय काय घडलं?

Konkan Nagarparishad-Nagarpanchayat Election Result 2025: राज्यभरातील नगरपरिषद, नगरपंचायतींचा निकाल (Nagarparishad-Nagarpanchayat Election Result 2025) समोर आला आहे. आता राज्यातील विविध विजयी नगसेवक आणि नगराध्यक्षपदाच्या विजयी उमेदवारांची नावे समोर आली आहे. याचदरम्यान राज्याचं लक्ष लागलेल्या कोकणमधील नगरपरिषद, नगरपंचायतींचा निकालही समोर आला आहे.

मालवणमध्ये शिंदे सेनेचे आमदार निलेश राणे यांनी स्ट्रिंग ऑपरेशन करत भाजपा पदाधिकारी पैसे वाटप करत असल्याचं म्हटलं होतं. त्यानंतर पोलिसांनी भाजपा कार्यकर्त्याच्या गाडीत पैसे पकडले त्यावेळी देखील पोलिसांना मालवण पोलीस ठाण्यात जाऊन कारवाई करण्यास भाग पाडलं. भाजपा नगराध्यक्ष पदाचे उमेदवार शिल्पा खोत यांचं जात प्रमाणपत्र खोट असल्याचा आरोप करत कोर्टात धाव घेतली. त्यामुळे शिंदे सेनेचे आमदार निलेश राणे यांची मालवणमध्ये प्रतिष्ठा पणाला लागली होती. तसेच भाजपाचे आमदार नितेश राणे आणि निलेश राणे यांच्यात वादही पाहायला मिळाला. त्याच मालवण नगरपरिषदेत नितेश राणेंना निलेश राणे वरचढ चढल्याचे दिसले.

मालवण नगरपरिषदेचा निकाल- (Malvan Nagarparishad)

मालवण नगरपरिषदेवर शिंदेंच्या शिवसेनेची मुसंडी मारली आहे. शिवसेना शिंदे गट 10 जागांवर विजयी, तर भाजपाला फक्त 5 जागांवर विजय मिळवला. शिंदे गटाचे आमदार निलेश राणेंच्या नेतृत्वात ही निवडणूक लढवली गेली. तर भाजपाकडून नितेश राणेंनी सर्व सूत्रे हाती घेतले होते. त्यामुळे नितेश राणेंना मालवणमध्ये मोठा धक्का बसला आहे.

मालवण नगरपरिषदेतील विजयी उमेदवारांची यादी-

1. मंदार केणी (भाजप)
2. दर्शना कासावकर (भाजप)
3. दीपक पाटकर (शिवसेना)
4. ललित चव्हाण (भाजप)
5. अनिता गिरकर (शिवसेना उभा)
6. सिद्धार्थ जाधव (शिवसेना)
7. पूनम चव्हाण (शिवसेना)
8. निना मुंबरकर (शिवसेना)
9. महानंदा खानोलकर (भाजप)
10. अहेंद्र म्हाडगुत (शिवसेना उबाठा)
11. शर्वरी पाटकर (शिवसेना)
12. मंदार ओरसकर (शिवसेना उबाठा)
13. तपस्वी मयेकर (शिवसेना उबाठा)

सावंतवाडी नगरपरिषदेचा निकाल- (Sawantwadi Nagarparishad)

सावंतवाडी नगरपरिषद आणि वेंगुर्ले नगरपरिषदेमध्ये शिवसेना शिंदे गटाचे आमदार दीपक केसरकर यांची प्रतिष्ठा पणाला लागली होती. सावंतवाडी नगरपरिषदेत भाजपाचा 11, शिवसेना शिंदे गटाला 7, काँग्रेसला 1 आणि ठाकरेंच्या शिवसेनेचा 1 उमेदवार विजयी झाला. सावंतवाडीमधून नगराध्यक्षाच्या निवडणुकीत भाजपाच्या श्रद्धा राजे भोसले  900 मतांनी विजयी झाल्या.

सावंतवाडी नगरपरिषदेतील विजयी उमेदवारांची यादी-

1. दिपाली भालेकर, भाजप
2. तौकीर शेख, काँग्रेस
3. सुधीर आडीवरेकर, भाजप
4. दुलारी रांगणेकर, भाजप
5. आनंद नेवगी, भाजप
6. सायली दुभाषी, शिंदे सेना
7. देवेंद्र टेमकर, उबाठा
8. सुनिता पेडणेकर, भाजप
9. खेमराज कुडतरकर, शिंदे सेना
10. मोहिनी मडगावकर, भाजप

वेंगुर्ले नगरपरिषदेचा निकाल- (Vengurla Nagarparishad)

वेंगुर्ले नगरपरिषदेत भाजपाचे 16,  शिवसेना ठाकरे गटाचे 3 आणि शिवसेना शिंदे गटाचा 1 उमेदवार विजयी झाला. वेंगुर्ले नगरपरिषदेतील नगराध्यक्षाच्या निवडणुकीत भाजपाचे राजन गिरफ 430 मतांनी विजयी झाले.

वेंगुर्ले नगरपरिषदेतील विजयी उमेदवारांची यादी-

1. लीना समीर म्हापणकर, शिंदे सेना
2. रवींद्र रमाकांत शिरसाट, भाजप
3. गौरी माईनकर, भाजप
4. प्रीतम सावंत, भाजप
5. विनायक गवंडकर, भाजप
6. गौरी मराठे, भाजप
7. आकांक्षा परब, भाजप
8. तातोबा पालयेकर, भाजप

कणकवली नगरपरिषदेचा निकाल- (Kankavali Nagarparishad)

कणकवलीमध्ये नितेश राणे यांच्या बालेकिल्ल्यात भाजपा विरोध सर्वपक्षीय एकत्र येत नितेश राणेंना घेण्याचा प्रयत्न झाला. त्यासाठी शहर विकास आघाडीची स्थापना झाली. त्यात आमदार निलेश राणेंनी प्रतिनिधित्व केलं त्यामुळे राणे विरुद्ध राणे असा राजकीय संघर्ष पाहायला मिळाला. या कणकवलीच्या नगरपरिषदेच्या निवडणुकीत भाजपाला 9 तर शहर विकास आघाडीला 8 जागा मिळाल्या. महत्वाचे म्हणजे भाजपाचे 9 उमेदवार विजयी झाले असले तरी कणकवली नगपरिषदेच्या नगराध्यक्षपदी शहर विकास आघाडीचे संदेश पारकर 145 मतांनी विजयी झाले.

कणकवली नगरपरिषद- (कणकवली नगर परिषद)

भाजप- 9
शहर विकास आघाडी- 8

महाराष्ट्रातील नगरपरिषद आणि नगरपालिकांच्या निकालाचे सर्व अपडेट्स, VIDEO:

संबंधित बातमी:

Nagarparishad-Nagarpanchayat Election Result 2025 Nagarsevak Winner List: कोकणपासून मराठवाडा, विदर्भ, पश्चिम-उत्तर महाराष्ट्रापर्यंत…; संपूर्ण महाराष्ट्रातील विजयी नगरसेवकांची यादी!

Nagaradhyaksha winners list: महाराष्ट्रातील विजयी नगराध्यक्षांची यादी वाचा एका क्लिकवर

आणखी वाचा