विराट कोहलीचा विजय हजारे ट्रॉफी सामना कधी, कुठे आणि कसा लाईव्ह पाहता येईल? जाणून घ्या सविस्तर

विजय हजारे ट्रॉफी 2025-26 चे आयोजन बुधवार, 24 डिसेंबरपासून सुरू होत आहे. पहिल्या दिवशी एकूण 19 सामने खेळवले जातील, ज्यामध्ये विराट कोहलीच्या सामन्याची सर्वाधिक चर्चा होत आहे. कोहली दिल्लीच्या संघातून खेळणार असून, दिल्लीचा पहिला सामना बुधवारी आंध्र प्रदेश विरुद्ध होणार आहे.

हा सामना कधी आणि किती वाजता सुरू होईल, तसेच याचे थेट प्रक्षेपण (Live Telecast) कोणत्या चॅनेलवर होणार आहे याची माहिती जाणून घ्या. चाहत्यांना हा सामना मोबाईलवरही थेट पाहता येईल.

विराट कोहलीने कसोटी (Test) आणि टी20 आंतरराष्ट्रीय क्रिकेटमधून निवृत्ती घेतली असून, तो आता फक्त वनडे (ODI) क्रिकेट खेळतो. भारतीय देशांतर्गत क्रिकेटमधील महत्त्वाची स्पर्धा असलेली ‘विजय हजारे ट्रॉफी’ ही वनडे फॉरमॅटमध्येच खेळवली जाते. अशी बातमी आहे की, कोहली या स्पर्धेतील फक्त सुरुवातीचे 2 सामने खेळणार आहे, ज्यातील पहिला सामना बुधवारी होणार आहे.

विजय हजारे ट्रॉफीमधील आंध्र प्रदेश विरुद्ध दिल्ली हा सामना बेंगळुरू येथील ‘बीसीसीआय सेंटर ऑफ एक्सलन्स’ (BCCI Centre of Excellence) येथे होणार आहे. यापूर्वी या सामन्यासाठी एम. चिन्नास्वामी स्टेडियम हे ठिकाण निश्चित करण्यात आले होते, परंतु नंतर त्यामध्ये बदल करण्यात आला.

आंध्र प्रदेश विरुद्ध दिल्ली यांच्यातील विजय हजारे ट्रॉफीचा सामना बुधवार, (23 डिसेंबर) रोजी सकाळी 9:00 वाजल्यापासून सुरू होईल. आंध्र प्रदेश विरुद्ध दिल्ली यांच्यातील विजय हजारे ट्रॉफीचा सामना स्टार स्पोर्ट्स नेटवर्कच्या (Star Sports Network) चॅनेलवर प्रसारित केला जाईल. आंध्र प्रदेश विरुद्ध दिल्ली सामन्याचे थेट प्रक्षेपण (Live Streaming) जिओ हॉटस्टार ॲप आणि वेबसाइटवर होईल