नववर्ष सुरू होण्यास अवघे काही दिवस उरले आहेत. यामुळे येणारे नवीन वर्ष सुख, समृद्धीचे जावो अशी सगळ्यांचीच इच्छा आहे. पण फक्त इच्छा बाळगून आयुष्यात बदल होत नाहीत तर त्यासाठी काही सवयी आणि नियमांचे पालन करणेही गरजेचे आहे. यामुळे नवीन वर्ष सुख समृ्दधी आणि भरभराटीचे आरोग्यदायी जावे असे वाटत असल्यास काही सवयी अंगिकारणेही आवश्य़क आहे.
अंथरुण आवरणे
बऱ्याचवेळा सकाळी झोपेतून उठल्यानंतर आपल्या पैकी अनेकजण अथंरुण न आवरताच घाईत कामाला निघून जातात. पण असे करणं योग्य नसून आपण केलेला पसारा आपणच आवरावा. त्यामुळे आयुष्यातला पसाराही कमी होतो असं म्हणतात.
१ ग्लास पाणी
शऱीर हायड्रेटेड राहण्यासाठी दिवसाची सुरुवात १ ग्लास पाणी पिऊन करावी.
रश्शी उड्या
सकाळी उठल्यावर दोन मिनिट तरी रश्शी उड्या माराव्यात. त्यामुळे शरीर आणि मन दोन्ही अॅक्टीव्ह राहते.
सकाळी चालणे
दररोज सकाळी १० ते १५ मिनिट तरी मोकळ्या हवेत मॉर्निंग वॉकला जावे. त्यामुळे शरीरात हॅप्पी हार्मोन रिलिज होतात. परिणामी दिवस आनंदात जातो.
लक्ष्य
जे काम करण्याची तुमची इच्छा आहे त्यावर लक्ष केंद्रीत करावे . यश हमखास मिळते.
वाचन
आजच्या काळात तुम्हाला सगळ्याच क्षेत्राचे ज्ञान असणे अपेक्षित नाही. पण असे असले तरी वाचनातून तुम्ही काही आवश्यक गोष्टींचे ज्ञान मिळवू शकता. त्यामुळे तुमचा आत्मविश्वसही वाढतो.
ध्यान
मेडीटेशनमुळे मन एकाग्र तर होतेच शिवाय मन शांत राहते. यामुळे कोणतीही परिस्थिती हाताळण्याचे कौशल्य प्राप्त होते.
Comments are closed.