आजच्या धावपळीच्या जीवनात अनेकजण जंक फूड आणि तयार पदार्थांकडे वळत असले तरी पारंपरिक आणि पौष्टिक आहाराचे महत्त्व अजूनही तितकेच आहे. त्यापैकीच एक म्हणजे बाजरीची भाकर. ग्रामीण भागात रोजच्या जेवणात असलेली बाजरीची भाकर आता आरोग्यजागरूक लोकांची पहिली पसंती ठरत आहे. पोषणमूल्यांनी भरलेली बाजरी शरीराला आवश्यक ऊर्जा देतानाच अनेक आरोग्यदायी फायदेही देते. म्हणूनच बाजरीची भाकर खाणे का फायदेशीर आहे, ते जाणून घेऊया.
1. पचन सुधारते
बाजरीमध्ये भरपूर प्रमाणात फायबर असते. त्यामुळे पचनक्रिया सुधारते, बद्धकोष्ठतेचा त्रास कमी होतो आणि पोट दीर्घकाळ भरलेलं राहते.
2. वजन नियंत्रणात मदत
फायबरयुक्त असल्याने बाजरीची भाकर खाल्ल्यावर लवकर भूक लागत नाही. त्यामुळे अनावश्यक खाणं टळतं आणि वजन नियंत्रणात राहण्यास मदत होते.
3. मधुमेहासाठी उपयुक्त
बाजरीचा ग्लायसेमिक इंडेक्स कमी असतो. त्यामुळे रक्तातील साखरेची पातळी हळूहळू वाढते आणि मधुमेहींसाठी ती उपयुक्त ठरते.
4. हृदयासाठी फायदेशीर
बाजरीमध्ये मॅग्नेशियम आणि पोटॅशियमसारखी खनिजे असतात, जी रक्तदाब नियंत्रित ठेवण्यास आणि हृदयाचं आरोग्य सुधारण्यास मदत करतात.
5. हाडे मजबूत होतात
कॅल्शियम, फॉस्फरस आणि लोह यांसारख्या घटकांमुळे हाडांची ताकद वाढते आणि अशक्तपणा दूर होण्यास मदत होते.
6. ऊर्जा वाढवते
बाजरी ही चांगल्या प्रतीची कार्बोहायड्रेट्स देते, त्यामुळे शरीराला दीर्घकाळ ऊर्जा मिळते आणि थकवा कमी होतो.
7. थंडीमध्ये शरीर उबदार ठेवते
बाजरीची भाकर शरीरात उष्णता निर्माण करते, त्यामुळे विशेषतः हिवाळ्यात ती खाणे फायदेशीर मानले जाते.
8. कोलेस्ट्रॉल नियंत्रणात ठेवते
बाजरीतील फायबर आणि अँटीऑक्सिडंट्स वाईट कोलेस्ट्रॉल कमी करण्यास मदत करतात.
Comments are closed.