३० हजार कोटींच्या वारशावर कायदेशीर लढाई: प्रिया सचदेवची मागणी वादात, करिश्मा कपूरला नणंदेनं दिला पाठिंबा – Tezzbuzz

उद्योगपती संजय कपूर यांच्या निधनानंतर त्यांच्या सुमारे ३० हजार कोटी रुपयांच्या संपत्तीवरून मोठा वाद निर्माण झाला आहे. या प्रकरणात त्यांची अभिनेत्री करिश्मा कपूर यांची मुले समायरा आणि कियान, तसेच तिसरी पत्नी प्रिया सचदेव यांच्यात कायदेशीर संघर्ष सुरू झाला आहे. या प्रकरणाची सुनावणी शुक्रवारी सर्वोच्च न्यायालयात झाली.

सुनावणीदरम्यान प्रिया सचदेव यांनी न्यायालयात अर्ज दाखल करून करिश्मा कपूर आणि संजय कपूर यांच्यात २०१६ मध्ये झालेल्या घटस्फोटाशी संबंधित कागदपत्रांची मागणी केली. पीटीआयच्या वृत्तानुसार, सर्वोच्च न्यायालयाने करिश्मा कपूर यांना दोन आठवड्यांच्या आत या अर्जावर आपली भूमिका स्पष्ट करण्याचे आदेश दिले आहेत. तसेच या अर्जावर सुनावणी व्हावी की नाही, याबाबत आपत्ती नोंदवण्यास सांगितले आहे.

प्रिया सचदेव (Priya Sachdev)यांच्या मते, घटस्फोटाचे कागदपत्रे समोर आल्यास हे स्पष्ट होईल की समायरा आणि कियान यांनी उपस्थित केलेले मुद्दे संजय कपूर जिवंत असताना निकाली काढले गेले होते की नाही. मात्र, करिश्मा कपूर यांच्या वकिलांनी हा अर्ज अनावश्यक असल्याचे सांगत, तो वैयक्तिक आणि गोपनीय माहिती मिळवण्याचा प्रयत्न असल्याचा आरोप केला आहे. त्यांच्या मते, करिश्मा आणि संजय यांचा घटस्फोट पूर्णपणे खासगी स्वरूपाचा होता.

या प्रकरणावर संजय कपूर यांची बहीण मंधिरा यांनीही प्रतिक्रिया दिली असून त्यांनी करिश्मा कपूर यांना पाठिंबा दिला आहे. एएनआयशी बोलताना मंधिरा म्हणाल्या, “हा अर्ज मूळ मुद्द्यापासून न्यायालयाचे लक्ष विचलित करण्याचा प्रयत्न आहे. माझ्या भावाला ही माहिती शेअर करायची असती, तर त्यांनी ती आधीच दिली असती.”

मंधिरा पुढे म्हणाल्या की, घटस्फोट हा अत्यंत वैयक्तिक विषय असतो, विशेषतः जेव्हा त्यात मुले सहभागी असतात. त्यामुळे या प्रकरणात तिसऱ्या व्यक्तीने हस्तक्षेप करू नये.

दरम्यान, संजय कपूर यांच्या निधनानंतर समायरा आणि कियान यांनी ऑगस्ट २०२५ मध्ये न्यायालयात धाव घेतली होती. त्यांनी त्यांच्या वडिलांची वसीयत बनावट असल्याचा आरोप केला असून, संपूर्ण संपत्ती प्रिया सचदेव यांच्या नावे करण्यात आल्याचा दावा केला आहे. त्यामुळे हे प्रकरण सध्या कायदेशीर गुंतागुंतीत अडकले आहे.

दैनिक बोंबाबोंबचा व्हॉट्सॲप ग्रुप जॉईन करण्यासाठी या लिंकवर क्लिक करा

हेही वाचा

आई–मुलींच्या नात्याच्या नाजूक छटा उलगडणारा ‘तिघी’चा भावस्पर्शी टीझर प्रदर्शित