अभिषेक शर्मा इंडस्ट्रीज विरुद्ध न्यूझीलंड 1ली T20 : भारतीय संघाचा स्फोटक सलामीवीर अभिषेक शर्माने 2026 वर्षाची सुरुवात अत्यंत आक्रमक पद्धतीने केली आहे. न्यूझीलंडविरुद्धच्या पहिल्या टी-20 सामन्यात अभिषेकने आपल्या बॅटने मैदानावर तुफानी फटकेबाजी करत किवी गोलंदाजांची धुलाई केली. त्याने केवळ 22 चेंडूत आपले अर्धशतक पूर्ण केले, मात्र दुर्दैवाने त्याचे शतक अवघ्या 16 धावांनी हुकले.
नाश. नरसंहार. 𝗠𝗿. 𝗠𝗔𝗫𝗜𝗠𝗨𝗠. 🔥
अभिषेक शर्मा आज रात्री त्याच्या निर्दयी सर्वोत्तम कामगिरीवर होता, रेकॉर्ड तोडत होता आणि इच्छेनुसार दोर साफ करत होता! 👌🏻👍🏻#INDvNZ | पहिला T20I | आता थेट 👉 https://t.co/o7KbRwpZwK pic.twitter.com/l0Ex1DWq0d
— स्टार स्पोर्ट्स (@StarSportsIndia) 21 जानेवारी 2026
युवराज सिंगला टाकले मागे
या खेळीदरम्यान अभिषेकने आपला गुरु आणि भारताचा माजी अष्टपैलू खेळाडू युवराज सिंगचा मोठा विक्रम मोडीत काढला. आंतरराष्ट्रीय टी-20 मध्ये सर्वाधिक षटकार मारण्याच्या बाबतीत त्याने युवीला मागे टाकले आहे. युवराजच्या नावावर 73 षटकार होते, तर या सामन्यात 8 उत्तुंग षटकार मारत अभिषेकने हा टप्पा ओलांडला.
मिस्टर मॅक्झिममला वेळ वाया घालवणे आवडत नाही! 😌😮💨
रात्रीच्या पहिल्या सहाला अभिषेक शर्माने जेकब डफीला डोक्यावर टोंकले! 💥
ता.क.: त्याने षटकारांसह डावाची सुरुवात करण्याची ही ७वी वेळ आहे! 😯🤩🔥#INDvNZ | पहिला T20I | आता थेट 👉 https://t.co/o7KbRwpZwK pic.twitter.com/YeOaMNPRMo
— स्टार स्पोर्ट्स (@StarSportsIndia) 21 जानेवारी 2026
अभिषेकने रचलेला नवा विश्वविक्रम
अभिषेक शर्माने या सामन्यात केवळ भारतीयच नाही, तर जागतिक क्रिकेटमध्ये आपला दबदबा निर्माण केला आहे. न्यूझीलंडविरुद्ध टी-20 मध्ये सर्वात वेगवान अर्धशतक ठोकणारा तो पहिला भारतीय फलंदाज ठरला आहे. टी-20 आंतरराष्ट्रीय क्रिकेटमध्ये 25 किंवा त्यापेक्षा कमी चेंडूमध्ये 8 वेळा अर्धशतक झळकावणारा तो जगातील पहिला खेळाडू बनला आहे. त्याने फिल सॉल्ट, सूर्यकुमार यादव आणि एविन लुईस (प्रत्येकी 7 वेळा) यांसारख्या दिग्गज फलंदाजांना मागे टाकले आहे. विशेष म्हणजे त्याने ही कामगिरी केवळ 34 सामन्यांत केली आहे.
MAXIMUMS मध्ये व्यवहार करणे 💥
अभिषेक शर्मा 🤝 सूर्य कुमार यादव
अपडेट्स ▶️ https://t.co/ItzV352h5X#TeamIndia | #INDvNZ | @IDFCFIRSTBank | @surya_14kumar pic.twitter.com/GUndgBVKgQ
— BCCI (@BCCI) 21 जानेवारी 2026
नागपुरात धमाका, एका चुकीमुळे शतक हुकलं!
इश सोढीच्या गोलंदाजीवर मोठा फटका मारण्याच्या नादात तो बाद झाला. अभिषेकने 35 चेंडूत 84 धावांची धडाकेबाज खेळी केली, ज्यात 5 चौकार आणि 8 षटकारांचा समावेश होता. इश सोढीने अभिषेकला फुल स्लॉटमध्ये चेंडू टाकला. हा चेंडू सीमापार मारण्यासाठी अभिषेकने बॅट फिरवली, मात्र दुर्दैवाने बॅट हातात फिरली. चेंडू हवेत उंच गेला आणि लॉग-ऑनला उभ्या असलेल्या काईल जेमिसनने कोणताही चुकीचा न करता एक सोपा झेल टिपला. अभिषेक बाद झाल्यावर त्याने स्वतःवरच नाराजी व्यक्त केली. त्याला हा चेंडू कव्हरच्या वरून मारायचा होता, पण मैदानावर फटका मारण्याच्या नादात त्याने विकेट गमावली. मात्र, त्याने ज्या पद्धतीने किवी गोलंदाजांची धुलाई केली, त्याचे कौतुक खुद्द प्रतिस्पर्धी खेळाडूंनीही केले. बाद होऊन परतताना इश सोढीने स्वतः अभिषेकजवळ जाऊन त्याच्या पाठीवर शाबासकीची थाप दिली आणि या जबरदस्त खेळीबद्दल त्याचे अभिनंदन केले.
हे ही वाचा –
आणखी वाचा
Comments are closed.