कोणाच्या सल्ल्यावर केली रिंकू सिंगने घातक कामगिरी? सामन्यानंतर म्हणाला,”माझ्यावर दबाव होता, कारण…”

न्यूझीलंडविरुद्धच्या पहिल्या टी20 आंतरराष्ट्रीय सामन्यात रिंकू सिंगने आपली धमाकेदार फिनिशिंग क्षमता सिद्ध केली. भारताने नागपूरच्या व्हीसीए स्टेडियममध्ये खेळल्या जाणाऱ्या सामन्यात न्यूझीलंडवर 48 धावांनी विजय मिळवला आणि या सामन्यात रिंकू सिंगच्या खेळीने निर्णायक भूमिका बजावली. खास करून अंतिम षटकामध्ये त्याने डॅरिल मिचेलच्या गोलंदाजीवर जोरदार प्रहार करून भारताच्या विजयात महत्त्वपूर्ण योगदान दिले.

सामन्यानंतर बोलताना रिंकू सिंगने सांगितले की, त्याच्यावर मोठा दबाव होता, कारण टी20 वर्ल्ड कप 2026 च्या आधीच्या मालिकांमध्ये त्याला संघात स्थायी स्थान मिळाले नव्हते. “मी संघामध्ये आत-बाहेर होत होतो, त्यामुळे माझ्यावर प्रेशर होता. आमचा प्लॅन होता की सिंगल आणि डबल्स घ्यायच्या, आणि संधी मिळाल्यास बाउंड्री मारायची, तसेच अखेरपर्यंत टिकून राहून सामना संपवायचा,” असं रिंकूने स्पष्ट केलं.

याशिवाय त्याने एक झेलही सोडला, पण त्याबद्दल त्याने कोणतीही तक्रार केली नाही. “लाइट्समुळे काही अडचण नव्हती, मी झेल गमावला, यावर चिंता करण्याची गरज नाही,” असं रिंकूने सांगितलं.

रिंकू सिंगने सांगितले की, संघाने या मालिकेत विजय मिळवणे अत्यंत महत्त्वाचे मानले आहे, कारण ही मालिका टी20 वर्ल्ड कपपूर्वी आत्मविश्वास वाढवण्याची संधी आहे. “आम्ही ही मालिका जिंकून आत्मविश्वास आणि मोमेंटम वर्ल्ड कपमध्ये घेऊन जाण्यासाठी प्रयत्न करत आहोत. मी अर्शदीप पाजीसोबत फलंदाजी करत होतो आणि आमचा प्लॅन होता सिंगल्स घेणे, तसेच मी अखेरच्या ओव्हरची स्ट्राइक हातात घेईन,” असं त्याने सांगितलं.

अखेर, या सामन्यातील 20 चेंडूंमध्ये 44 धावांची फटकेबाजी करून रिंकूने आपली फिनिशरची क्षमता सिद्ध केली आणि संघात स्थान कायम ठेवण्यास योग्य ठरला. त्याच्या या खेळीमुळे टीम इंडियाला विजय मिळाला आणि टी20 वर्ल्ड कपपूर्वी संघाच्या आत्मविश्वासात भर पडली.