पंतप्रधानांनी स्टार्टअप इकोसिस्टमचे कौतुक केले.

स्टार्टअप प्रणालीचे पंतप्रधानांकडून कौतुक

वृत्तसंस्था/ नवी दिल्ली

2026 च्या पहिल्या ‘मन की बात’ कार्यक्रमात पंतप्रधान नरेंद्र मोदी यांनी देशातील तरुणांचे कौतुक केले. ‘स्टार्टअप इंडिया’च्या 10 वर्षांच्या प्रवासाचा उल्लेख करताना त्यांनी आज भारतात जगातील तिसरी सर्वात मोठी स्टार्टअप इकोसिस्टम सुरू झाल्याबद्दल कौतुक केले. हा ‘स्टार्टअप इंडिया’चा सुसाट प्रवास असून या अद्भुत प्रवासाचे नायक आमचे तरुण मित्र असल्याचे सांगत पंतप्रधानांशी त्यांच्या कार्याला सलाम ठोकला.

‘मन की बात’ कार्यक्रमाला संबोधित करताना पंतप्रधान मोदी म्हणाले, ‘दहा वर्षांपूर्वी, जानेवारी 2016 मध्ये आम्ही एका महत्त्वाच्या प्रवासाला सुरुवात केली. तेव्हा आम्हाला जाणवले की, जरी ती लहान असली तरी, ती तरुण पिढीसाठी आणि देशाच्या भविष्यासाठी महत्त्वाची आहे. भारताने जगातील तिसरी सर्वात मोठी स्टार्टअप इकोसिस्टम विकसित केली आहे. ही इकोसिस्टम पारंपारिक विचारसरणीला तोडून दहा वर्षांपूर्वी कल्पना करणेही कठीण असलेल्या क्षेत्रात काम करत आहे. आज, भारतीय स्टार्टअप्स कृत्रिम बुद्धिमत्ता, अवकाश, अणुऊर्जा, सेमीकंडक्टर, गतिशीलता, ग्रीन हायड्रोजन आणि जैवतंत्रज्ञान यासारख्या अत्याधुनिक क्षेत्रात सक्रिय भूमिका बजावत आहेत. मी माझ्या सर्व तरुण मित्रांना सलाम करतो जे स्टार्टअपशी संबंधित आहेत किंवा स्वत:चे स्टार्टअप सुरू करू इच्छितात, असे पंतप्रधान म्हणाले.

भारताची अर्थव्यवस्था वेगाने वाढत आहे. जग भारताकडे पाहत आहे. अशा वेळी, आपल्या सर्वांवर मोठी जबाबदारी आहे. ती जबाबदारी गुणवत्तेवर भर देणे आहे. आपण उत्पादित केलेल्या प्रत्येक गोष्टीची गुणवत्ता सुधारण्याचा संकल्प करूया. आपले कापड, तंत्रज्ञान आणि इलेक्ट्रॉनिक्स, पॅकेजिंग उच्च दर्जाचे करण्यासाठी प्रयत्न करावेत, असे आवाहनही पंतप्रधानांनी केले