सावित्रीची लेक थेट मंत्र्याला भिडली, भाषणात आंबेडकरांचे नाव न घेतल्याने महिला पोलिसाने गिरीश महाजनांना विचारला जाब

आज संपूर्ण देशात 77 व्या प्रजासत्ताक दिनेचा उत्साह पाहायला मिळत आहे. राजधानी दिल्लीत कर्तव्य पथावर लष्कराचे संचलन पाहायला मिळाले, तर राज्यातही विविध ठिकाणी मंत्री, पालकमंत्री आणि लोकप्रतिनिधींनी ध्वजारोहन करत प्रजासत्ताक दिन साजरा केला. मात्र नाशिकमध्ये ध्वजारोहनानंतर मोठा राडा झाला. मंत्री गिरीश महाजन यांच्या भाषणावेळी एका महिला पोलिसाने गोंधळ घातला. महाजन यांनी भाषणामध्ये घटनेचे शिल्पकार डॉ. बाबासाहेब आंबेडकर यांचे नाव न घेतल्याचा आरोप करत महिला पोलिसाने त्यांना जाब विचारला. याचा व्हिडीओ समाज माध्यमावर व्हायरल झाला आहे.

नाशिकमध्ये ध्वजारोहनानंतर मोठा गोंधळ पाहायला मिळााला. मंत्री गिरीश महाजन यांनी भाषणामध्ये घटनेचे शिल्पकार डॉ. बाबासाहेब आंबेडकर यांचे नाव न घेतल्याचा आरोप करत महिला पोलिसाने त्यांना जाब विचारला. pic.twitter.com/UY3qV8OUvJ

— सामना ऑनलाइन (@SaamanaOnline) २६ जानेवारी २०२६