खुप कमी कलाकारांना ब्लॉकबस्टर चित्रपटात मुख्य भूमिकेतून त्यांच्या कारकिर्दीची सुरुवात करण्याची संधी मिळते. अनेक कलाकार त्यांच्या कारकिर्दीची सुरुवात छोट्या किंवा सहाय्यक भूमिकांनी करत असतात. काहींना बॉक्स ऑफिसवर यश अपयश येते. तर काहींना त्यांच्या अभिनयासाठी तीव्र टीका देखील सहन करावी लागते. या उद्योगात नशीब देखील महत्त्वाची भूमिका बजावते. अभिनेत्री-गायिका ममता मोहनदास हे याचे एक चांगलेच उदाहरण आहे. ममताने तिच्या आयुष्यात अनेक समस्यांना तोंड दिले, दोनदा कर्करोगाशी झुंज दिली. लग्न मोडले आणि नंतर तिला त्वच्या रोग झाला.
ममता मोहनदासचा जन्म बहरीन मध्ये झाला. ती तिच्या पदवीसाठी भारतात परतली, तर वयाच्या 21 व्या वर्षी तिला मयूखम (2005) या मल्याळम चित्रपटात मुख्य भूमिका करण्याची ऑफर देण्यात आली. चित्रपटाचे दिग्दर्शक टी. हरिहरन हे मल्याळम चित्रपटसृष्टीतील एक प्रसिद्ध नाव आहे, ज्यांनी पंचग्नी, नखक्षथंगल आणि अमृतम गमया सारखे हिट चित्रपट दिग्दर्शित केले आहेत. मयूखम हा चित्रपट मयूखम बॉक्स ऑफिसवर यशस्वी झाला नसला, तरी समीक्षकांनी ममताच्या अभिनयाचे कौतुक केले. या चित्रपटाने तिने कारकिर्दीला सुरुवात केली असे म्हणाला हरकत नाही कारण त्यानंतर हळूहळू नवीन प्रकल्पांना सुरुवात झाली.
मयुखम नंतर, ममताने मामूटीच्या “बस कंडक्टर” चित्रपटात एक छोटी भूमिका केली. त्यानंतर तिने “लंका” (2006) या चित्रपटात सुरेश गोपी यांच्यासोबत काम केले, जे तिच्यापेक्षा २७ वर्षानी मोठे होते. त्याच वर्षी ती मोहनलाल यांच्यासोबत “बाबा कल्याणी” (2007) मध्ये देखील दिसली. या चित्रपटांमुळे तिला अपेक्षित ओळख मिळाली नाही. तिला खरी प्रसिद्धी मामूटीच्या ऐतिहासिक चित्रपट “बिग बी” (2007) द्वारे मिळाली. मात्र त्यानंतरही तिला सातत्याने मोठ्या ऑफर मिळाल्या नाहीत. ममता एक गायिका पण आहे तेलुगू चित्रपटांमध्ये गाणे गाल्यानंतर, तिला थलापथी विजयच्या “विल्लू” (2009) चित्रपटातील “डॅडी मम्मी” हे ब्लॉकबस्टर गाण्यामुळे तिला ओळख मिळाली. त्यानंतर तिने मल्याळम, तमिळ आणि तेलुगू चित्रपटांमध्ये अनेक हिट गाणी गायली.
ममता मोहनदास (Mamta Mohandas ) यांना त्यांच्या आयुष्यात अनेक गंभीर आव्हानांना तोंड द्यावे लागले. 2009 मध्ये, त्यांना हॉजकिन लिंफोमा असल्याचे निदान झाले. त्यांनी ताबडतोब उपचार घेतले आणि दीड वर्षानंतर त्यांना कर्करोगमुक्त घोषित करण्यात आले. नोव्हेंबर 2011 मध्ये, लग्न केले. हे लग्न एक वर्षापेक्षा कमी काळ टिकले आणि डिसेंबर 2012 मध्ये ममताने वेगळे होण्याचा निर्णय घेतला. दरम्यान, 2023 मध्ये, त्यांना त्वचारोगाचे निदान झाले, जो एक स्वयंप्रतिकार रोग आहे ज्यामुळे त्वचेचा रंग खराब होतो. तरीही, ममताने सकारात्मक दृष्टिकोन ठेवला आणि इंस्टाग्रामवर त्यांच्या आजाराबद्दल उघडपणे सांगितले.
आतापर्यत ममता मोहनदास यांनी आजपर्यंत 45 चित्रपटांमध्ये काम केले आहे. तिच्या काही प्रसिद्ध चित्रपटांमध्ये महाराजा, ओट्टा, वांद्रे, जन गण मन, थिरुप्पू आणि लालबाग यांचा समावेश आहे. ती सध्या माय डिअर सिस्टर नावाच्या चित्रपटावर काम करत आहे. ममता मोहनदासची कथा ही तिच्या कारकिर्दीत आणि आव्हानांना न जुमानता संयम आणि धैर्य कसे राखवे याचे उदाहरण देते.
दैनिक बोंबाबोंबचा व्हॉट्सॲप ग्रुप जॉईन करण्यासाठी या लिंकवर क्लिक करा
हेही वाचा
Comments are closed.