टीम इंडियाने ठोकले टी20 वर्ल्ड कपमधील सर्वात वेगवान शतक; भारतापूर्वी कोणालाही जमली नाही अशी कामगिरी!

२०२६ च्या टी-२० वर्ल्ड कपमध्ये टीम इंडियाने सर्वात वेगवान शतक झळकावले आहे. नामीबियाविरुद्धच्या सामन्यात भारतीय संघाने अवघ्या ४१ चेंडूंमध्ये १०० धावा पूर्ण केल्या. इशान किशन आणि संजू सॅमसन यांनी मैदानात अक्षरशः धुमाकूळ घालत नामीबियाच्या गोलंदाजांची जोरदार धुलाई केली. टी-२० वर्ल्ड कपच्या इतिहासात कोणत्याही संघाने केलेल्या या सर्वात वेगवान १०० धावा आहेत.

​याच सामन्यात भारतीय संघाने टी-२० वर्ल्ड कपमधील आपला सर्वोत्कृष्ट पॉवरप्ले स्कोअर देखील नोंदवला आहे. इशान किशनने पॉवरप्ले संपण्यापूर्वीच आपले अर्धशतक पूर्ण केले होते. त्याने अवघ्या २० चेंडूंमध्ये पन्नास धावांचा टप्पा गाठला.

​भारतीय संघाने अवघ्या ४१ चेंडूंमध्ये १०० धावांचा टप्पा ओलांडला. टी-२० वर्ल्ड कपच्या इतिहासात कोणत्याही संघाकडून करण्यात आलेल्या या सर्वात वेगवान १०० धावा ठरल्या आहेत.

​भारताने नामीबियाविरुद्धच्या या सामन्यात पॉवरप्लेमध्ये ८६ धावा कुटल्या होत्या. टी-२० वर्ल्ड कपच्या इतिहासातील हा भारताचा आतापर्यंतचा सर्वोत्तम पॉवरप्ले स्कोअर आहे. तसेच, या चालू टी-२० वर्ल्ड कपमध्ये कोणत्याही संघाने पॉवरप्लेमध्ये केलेली ही सर्वोच्च धावसंख्या आहे.

​इशान किशन आणि संजू सॅमसन यांनी या सामन्यात भारतीय संघाला वादळी सुरुवात करून दिली. सॅमसन केवळ २२ धावा काढून बाद झाला, मात्र या २२ धावा त्याने अवघ्या ८ चेंडूंमध्ये केल्या होत्या. दुसरीकडे, इशान किशनने २४ चेंडूंमध्ये ६१ धावांची स्फोटक खेळी खेळली. या खेळीत त्याने ६ चौकार आणि ५ षटकार ठोकले. त्याने सामन्यात २० चेंडूंमध्ये आपले अर्धशतक पूर्ण केले.

​टी-२० वर्ल्ड कपमध्ये पॉवरप्लेच्या आत अर्धशतक पूर्ण करणारा इशान किशन हा तिसरा भारतीय फलंदाज ठरला आहे. त्याच्यापूर्वी रोहित शर्मा आणि केएल राहुल यांनी अशी कामगिरी केली आहे.