‘हात मिळवणं गरजेचं…’, भारत-पाक सामन्यावर शोएब अख्तरचं मोठं विधान; थेट कारगिल युद्धाचाही केला उल्लेख!

च्याटी-२० वर्ल्ड कपमध्ये भारत आणि पाकिस्तान यांच्यातील सामना १५ फेब्रुवारी, रविवारी श्रीलंकेतील कोलंबो येथे खेळला जाणार आहे. या महामुकाबल्याबाबत सध्या जोरदार चर्चा सुरू आहे. या चर्चेत पाकिस्तानचा माजी दिग्गज वेगवान गोलंदाज शोएब अख्तर देखील आपली मते मांडताना दिसला. अख्तरने ‘ABP News’शी खास बातचीत करताना दोन्ही संघांनी एकमेकांशी हात मिळवण्याबाबत भाष्य केले. ही चर्चा केवळ हात मिळवण्यापुरती मर्यादित राहिली नाही, तर अख्तरने थेट कारगिल युद्धापर्यंतचा संदर्भ दिला.

​आमच्या या कार्यक्रमात अख्तरसोबत पॅनेलमध्ये मोहम्मद कैफ देखील उपस्थित होता. सामन्याबद्दल चर्चा सुरू असताना अख्तरने दोन्ही संघांना जोडण्याबाबत बोलण्यास सुरुवात केली. अख्तर म्हणाला, “मी वारंवार हाच प्रयत्न करतो की, दोन्ही देशांनी एकमेकांशी हात मिळवणे (संबंध सुधारणे) गरजेचे आहे.”

​शोएब अख्तरने आपले बोलणे पुढे चालू ठेवत म्हटले की, “असे कसे होऊ शकते की, एका बाजूला १९९९ चे कारगिल युद्ध सुरू आहे आणि दुसऱ्या बाजूला आपण क्रिकेट मॅच खेळत आहोत.”

​सुरुवातीला पाकिस्तान सरकारकडून असे सांगण्यात आले होते की, त्यांचा संघ टी-२० वर्ल्ड कपमध्ये भारताविरुद्ध सामना खेळणार नाही, मात्र नंतर पाक संघ खेळण्यासाठी तयार झाला. यावर अख्तर म्हणाला, “मी नेहमी जोडण्याबद्दल बोलेन, तोडण्याबद्दल नाही. पाकिस्तान सरकारने जर (न खेळण्याचा) पवित्रा घेतला होता, तर मलाही त्यांची साथ द्यावी लागली असती, कारण तो सरकारचा निर्णय होता.”

​अख्तरने पुढे बांगलादेशचा संदर्भ देत म्हटले की, “त्यांनी (पाकिस्तानने) असा मुद्दा मांडला होता की बांगलादेशवर अन्याय झाला आहे. जर भारत आणि पाकिस्तान ‘न्यूट्रल वेन्यू’वर (तटस्थ मैदानावर) खेळू शकतात, तर बांगलादेश का नाही खेळू शकत? तो एक वाद होता, जो आता संपला असून क्रिकेटला सुरुवात झाली आहे. जर पाकिस्तान खेळला नसता, तर हा वर्ल्ड कप फिका पडला असता.”