कोलंबो येथे झालेल्या भारत-पाकिस्तान विश्वचषक सामन्यात हार्दिक पांंड्याने भारताला एक मोठी संधी दिली. त्याने पाकिस्तानी फलंदाज साहिबजादा फरहानला बाद केले. या विकेटसह हार्दिक पांड्याने टी-२० विश्वचषकात भारत विरुद्ध पाकिस्तान सामन्यांमध्ये सर्वाधिक विकेट्स घेणाऱ्या गोलंदाजांच्या यादीत आपले स्थान मजबूत केले आहे. तो १६ विकेट्ससह या यादीत अव्वल स्थानावर आहे. त्याच्या खाली भारतीय गोलंदाज जसप्रीत बुमराह आहे, ज्याने ११ विकेट्स घेतल्या आहेत.
भारत विरुद्ध पाकिस्तान टी-२० विश्वचषक इतिहासात सर्वाधिक विकेट्स घेणाऱ्या गोलंदाजांच्या यादीत भुवनेश्वर कुमार तिसऱ्या क्रमांकावर आहे, त्याने या स्पर्धेत पाकिस्तानी संघाविरुद्ध ११ विकेट्स घेतल्या आहेत. उमर गुल यादीत चौथ्या क्रमांकावर आहे, त्याने ११ विकेट्स घेतल्या आहेत. पाकिस्तानी जलदगती गोलंदाज हरिस रौफ ९ विकेट्ससह या यादीत पाचव्या क्रमांकावर आहे.
टी-२० विश्वचषकात भारत विरुद्ध पाकिस्तान सामन्यांमध्ये सर्वाधिक विकेट्स घेणारे गोलंदाज
हार्दिक पांड्या – १६ विकेट्स
जसप्रीत बुमराह – ११ विकेट्स
भुवनेश्वर कुमार – ११ विकेट्स
उमर गुल – ११ विकेट्स
हरीस रौफ – ९ विकेट्स
या यादीतील आकडेवारीवरून स्पष्ट होते की भारतीय गोलंदाजांनी भारत विरुद्ध पाकिस्तान सामन्यांवर वर्चस्व गाजवले आहे आणि आजच्या सामन्यातही हार्दिक पंड्या आणि जसप्रीत बुमराह आक्रमक ठरले.
रविवारी कोलंबोतील आर. प्रेमदासा स्टेडियमवर भारत आणि पाकिस्तान यांच्यात झालेल्या विश्वचषक सामन्यात टीम इंडियाने पाकिस्तानचा पराभव केला. प्रथम फलंदाजी करताना भारतीय संघाने २० षटकांत ७ गडी गमावून १७५ धावा केल्या, ज्या पाकिस्तानला साध्य करता आल्या नाहीत, त्यांना १८ षटकांत ११४ धावांवरच सर्वबाद व्हावे लागले. भारताने हा सामना ६१ धावांनी जिंकला.
Comments are closed.