संजू सॅमसन IN, अभिषेक शर्मा OUT… सुपर-8 मध्ये दक्षिण आफ्रिकेविरुद्ध अशी असणार टीम इंडियाची Pl

टीम इंडिया 11 सुपर 8 विरुद्ध दक्षिण आफ्रिका खेळत आहे:टी-20 वर्ल्ड कप 2026 च्या सुपर-8 फेरीत 22 फेब्रुवारी रोजी भारत आणि दक्षिण आफ्रिका यांच्यातील महासंग्राम रंगणार आहे. लीग स्टेजमध्ये सलग चार विजय मिळवत टीम इंडियाने दमदार कामगिरी केली आहे. आता नजरा सुपर-8 च्या पहिल्या लढतीकडे खिळल्या आहेत. दक्षिण आफ्रिकेविरुद्धचा हा सामना भारतासाठी अत्यंत महत्त्वाचा ठरणार आहे.

सलामी जोडीमध्ये बदलाची शक्यता…

या महत्त्वाच्या सामन्यापूर्वी भारतीय संघात काही बदल होण्याची शक्यता आहे. विशेषतः सलामीच्या जोडीबाबत मोठा निर्णय घेतला जाऊ शकतो. अभिषेक शर्मा सलग तीन सामन्यांत शून्यावर बाद झाला. त्याला अद्याप धावांचे खाते उघडता आलेले नाही. त्यामुळे त्याच्या जागी संजू सॅमसनला संधी मिळू शकते. संजू सॅमसन आणि ईशान किशन ही जोडी डावाची सुरुवात करताना दिसू शकते. तिसऱ्या क्रमांकावर तिलक वर्मा फलंदाजीची जबाबदारी सांभाळू शकतो. तो सध्या उत्तम फॉर्ममध्ये आहे. चौथ्या क्रमांकावर कर्णधार सूर्यकुमार यादव संघाचा कणा ठरणार आहे. पाचव्या स्थानावर शिवम दुबेची जागा जवळपास निश्चित मानली जाते. मागील सामन्यात त्याने 31 चेंडूत 66 धावांची तुफानी खेळी साकारली होती. लोअर मिडल ऑर्डरमध्ये हार्दिक पांड्या आणि रिंकू सिंग संघाला फिनिशिंग टच देताना दिसू शकतात.

गोलंदाजी विभागही बदल नाही…

गोलंदाजी विभागात फिरकीची जबाबदारी वरुण चक्रवर्ती आणि वॉशिंग्टन सुंदर सांभाळू शकतात. नेदरलँड्सविरुद्धच्या सामन्यात वरुणने 3 षटकांत 14 धावा देत 3 बळी घेत प्रभावी कामगिरी केली होती. वेगवान गोलंदाजीची धुरा जसप्रीत बुमराह, अर्शदीप सिंग यांच्यासोबत हार्दिक पांड्या आणि शिवम दुबे यांच्या खांद्यावर असेल. सुपर-8 मधील ही पहिलीच लढत असल्याने भारतासाठी हा सामना आत्मविश्वास आणि गती कायम ठेवण्यासाठी अत्यंत निर्णायक ठरणार आहे. ही टीम इंडियाची प्लेइंग 11 असू शकते.

दक्षिण आफ्रिकेविरुद्ध भारताचे संभाव्य प्लेइंग इलेव्हन(India’s probable playing XI against South Africa) : ईशान किशन (यष्टिरक्षक), संजू सॅमसन, तिलक वर्मा, सूर्यकुमार यादव (कर्णधार), हार्दिक पांड्या, शिवम दुबे, रिंकू सिंग, वॉशिंग्टन सुंदर, अर्शदीप सिंग, वरुण चक्रवर्ती, जसप्रीत बुमराह.

टी-20 विश्वचषक 2026 साठी भारतीय संघ : सूर्यकुमार यादव (कर्णधार), अभिषेक शर्मा, तिलक वर्मा, संजू सॅमसन, शिवम दुबे, इशान किशन, हार्दिक पांड्या, अर्शदीप सिंग, जसप्रीत बुमराह, हर्षित राणा, वरुण चक्रवर्ती, कुलदीप यादव, अक्षर पटेल, वॉशिंग्टन सुंदर, रिंकू सिंग.

हे ही वाचा –

SL vs ZIM : झिम्बाब्वेनं श्रीलंकेला घरात घुसून हरवलं, 6 विकेटनं दणदणीत विजय, टी 20 वर्ल्ड कपमध्ये विजयाची हॅटट्रिक

आणखी वाचा