द केरळ स्टोरी 2 च्या रिलीजला स्थगिती, केरळ उच्च न्यायालयाचा मोठा निर्णय, तर सेंसर बोर्डावर गंभीर प्रश्न उपस्थित – Tezzbuzz

द केरळ स्टोरी हा चित्रपट प्रचंड गाजला मात्र तेवढाच तो वादग्रस्तही राहिला होता. तर आता याचा सेकंड पार्ट येत आहे पण त्याआधीच हा पण सध्या वादग्रस्त ठरत आहे. तर सध्या केरळ उच्च न्यायालयाने “द केरळ स्टोरी 2 – गोज बियॉन्ड” या वादग्रस्त चित्रपटाच्या सिक्वेलवर स्थगिती दिली आहे. न्यायालयाने तोंडी टिप्पणी केली की प्रथमदर्शनी असे दिसते की सेंट्रल बोर्ड ऑफ फिल्म सर्टिफिकेशन ने प्रमाणपत्र देताना योग्य ती काळजी आणि विवेक वापरला नाही. न्यायालयाने थेट सेन्सॉर बोर्डाच्या कृतींवर प्रश्नचिन्ह उपस्थित केले आणि चित्रपटाचे पुनर्मूल्यांकन करण्याचे निर्देश दिले.

न्यायालयात दाखल केलेल्या याचिकांमध्ये चित्रपटाच्या शीर्षक आणि कथानकावर गंभीर आक्षेप घेतले आहे, याचिकाकर्त्यांचा असा युक्तिवाद आहे की चित्रपटाचे शीर्षक आणि कथानक जागतिक स्तरावर केरळ राज्याची प्रतिमा खराब करते. चित्रपटातील आशय राज्यातील सांप्रदायिक सलोखा बिघडू शकतो अशी चिंता त्यांनी व्यक्त केली. न्यायमूर्ती थॉमस यांनी या चिंता “खऱ्या” असल्याचे मान्य केले आणि सांगितले की सविस्तर चर्चा पूर्ण होईपर्यंत चित्रपट थिएटरमध्ये प्रदर्शित केला जाऊ नये.

सुनावणीदरम्यान, चित्रपटाच्या निर्मात्यांनी याचिकांना जोरदार विरोध केला. त्यांनी असा युक्तिवाद केला की याचिकाकर्त्यांच्या तक्रारी “सार्वजनिक स्वरूपाच्या” आहेत आणि त्यामुळे कोणतेही वैयक्तिक कायदेशीर नुकसान होत नाही. निर्मात्यांनी याचिकाकर्त्यांच्या अधिकारक्षेत्रावरही प्रश्नचिन्ह उपस्थित केले. मात्र, न्यायालयाने हे युक्तिवाद फेटाळून लावले, अतिरिक्त कागदपत्रे रेकॉर्डवर घेण्याची परवानगी दिली आणि विरोधकांचे आक्षेप फेटाळून लावले. हा निर्णय “द केरळ (Kerala) स्टोरी 2″ च्या टीमसाठी एक मोठा धक्का मानला जात आहे.

दैनिक बोंबाबोंबचा व्हॉट्सॲप ग्रुप जॉईन करण्यासाठी या लिंकवर क्लिक करा

हेही वाचा

कसे असते तेलुगु आणि कोडागु पद्धतीचे लग्न? रश्मिका-विजयच्या लग्नात रितीरिवाजांचा जमीन-आसमान फरक