जळगाव ते छत्रपती संभाजीनगर हा महामार्ग समृद्धीला जोडणार !! उत्तर महाराष्ट्राचा संपर्क वाढेल!!

खान्देश द्रुतगती मार्ग: जळगाव जिल्ह्याचा विकास आणि उत्तर महाराष्ट्राच्या कनेक्टिव्हिटीसंदर्भात एक महत्त्वपूर्ण अपडेट समोर आले आहे. जळगाव ते छत्रपती संभाजीनगर हा महामार्ग मुंबई-नागपूर समृद्धी महामार्गाला जोडला जाणार आहे. असे राज्यमंत्री मेघना साकोरे-बोर्डीकर यांनी विधान परिषदेत सांगितले. त्यामुळे उत्तर महाराष्ट्रातून मराठवाडा आणि विदर्भात जाणाऱ्या प्रवाशांना त्याचा मोठा फायदा होणार आहे. उत्तर महाराष्ट्र आणि विदर्भात वाहतूक आणि दळणवळणाचा फायदा होईल.

यासंदर्भात विधान परिषदेचे आमदार एकनाथ खडसे यांनी प्रश्न उपस्थित केला. मा.मुख्यमंत्री जळगावात आल्यावर म्हणजे नुकत्याच झालेल्या निवडणुकीत त्यांनी सांगितले की, जळगाव ते संभाजीनगर हा सहा पदरी रस्ता आपण बनवू जेणेकरून त्या मार्गाने समृद्धी जोडता येईल. त्यामुळे राज्य सरकार अशा प्रस्तावावर विचार करत आहे की नाही? असेल तर किती दिवसात मंजूर होणार? माननीय मुख्यमंत्र्यांच्या घोषणेची अंमलबजावणी करणार आहात का? असा सवाल एकनाथ खडसे यांनी केला.

यावर उत्तर देताना मेघना बोर्डीकर म्हणाल्या, जळगाव ते संभाजीनगर हा 105 किमीचा खान्देश द्रुतगती मार्ग समृद्धीशी जोडला जाणार असून या रस्त्याचा डीपीआर महाराष्ट्र राज्य रस्ते विकास महामंडळाकडून तयार करण्यात येत असून डीपीआरनंतर पुढील प्रक्रिया केली जाईल. या प्रकल्पामुळे नाशिक आणि छत्रपती संभाजीनगर दरम्यान इंटरकनेक्टिव्हिटी मिळणार असून राज्यातील सर्व तालुके महामार्गाशी जोडण्याचा निर्णय राज्य सरकारने घेतला आहे.

दरम्यान, या महामार्गामुळे जळगाव ते छत्रपती संभाजीनगरमधील अंतर लक्षणीयरित्या कमी होणार आहे. सध्याच्या मार्गाला वळणे, गावांमधील रहदारी आणि सिग्नल यामुळे जास्त वेळ लागतो. नवीन सरळ आणि रुंद महामार्गामुळे प्रवास 1 ते 1.5 तास कमी होऊ शकतो. ही दरी केवळ काळाच्या दृष्टीने कमी होणार नाही, तर उत्तर महाराष्ट्र आणि मराठवाडा यांच्यातील दळणवळणाचे नवे पर्व सुरू होईल. जळगाव हे केळी उत्पादनासाठी प्रसिद्ध आहे, तर छत्रपती संभाजीनगर हे औद्योगिकदृष्ट्या विकसित शहर आहे. जलद वाहतुकीमुळे कृषी उत्पादन, फळे आणि औद्योगिक वस्तूंची वाहतूक सुलभ होईल.