टूर्नामेंटचा पहिला सेमीफायनल सामना अत्यंत महत्त्वाचा ठरणार आहे. या स्पर्धेत दक्षिण आफ्रिकेचा संघ आतापर्यंत एकही सामना हरलेला नाही. दुसरीकडे, भारतीय परिस्थितीमध्ये न्यूझीलंडचा संघ देखील अत्यंत मजबूत दिसत आहे. अशा स्थितीत, कोलकाता येथील ईडन गार्डन्सवर दोन्ही संघांमध्ये जोरदार टक्कर पाहायला मिळणार आहे. मात्र, कर्णधार एडन मार्करमचे टेन्शन वाढलेले आहे. आयसीसी टूर्नामेंटच्या नॉकआउट सामन्यांमध्ये न्यूझीलंडविरुद्ध दक्षिण आफ्रिकेचा रेकॉर्ड अजिबात चांगला राहिलेला नाही.
आयसीसी टी-२० वर्ल्ड कप २०२६ मध्ये आतापर्यंत दक्षिण आफ्रिका हा एकमेव असा संघ आहे, ज्याला अद्याप पराभवाचा सामना करावा लागलेला नाही. अशा परिस्थितीत, सेमीफायनलपूर्वी त्यांचा आत्मविश्वास उंचावलेला असायला हवा, पण सध्या तसे अजिबात दिसत नाहीये. आयसीसी टूर्नामेंटच्या नॉकआउट सामन्यांमध्ये दक्षिण आफ्रिकेची न्यूझीलंडविरुद्धची कामगिरी अत्यंत खराब राहिली आहे.
२०११ च्या वनडे वर्ल्ड कपच्या क्वार्टर फायनलमध्ये न्यूझीलंडने आफ्रिकेचा ४९ धावांनी पराभव केला होता. त्यानंतर २०१५ च्या वनडे वर्ल्ड कपच्या सेमीफायनलमधील तो पराभव आफ्रिकन खेळाडू आणि चाहते कधीही विसरू शकणार नाहीत. पुढे, २०२५ च्या चॅम्पियन्स ट्रॉफीच्या सेमीफायनलमध्येही कीवी संघाने ५० धावांनी विजय मिळवला होता. त्यामुळेच, दक्षिण आफ्रिकेचा संघ हा ‘शाप’ संपवण्याचा प्रयत्न करेल. सध्याच्या घडीला तरी दक्षिण आफ्रिका हा अधिक सरस संघ वाटत आहे
Comments are closed.