T-20 विश्वचषक 2026 जिंकल्यानंतर भारतीय क्रिकेटपटू कुलदीप यादव आपल्या आयुष्याची नवी सुरुवात करणार आहे. कुलदीप त्याची बालपणीची मैत्रिण वंशिका हिच्याशी १४ मार्च २०२६ रोजी उत्तराखंडमधील मसुरी येथील एका रिसॉर्टमध्ये लग्न करणार आहे. या सोहळ्याला भारतीय क्रिकेट नियामक मंडळाचे (बीसीसीआय) अधिकारी आणि त्यांचे क्रिकेट सहकारी उपस्थित राहण्याची अपेक्षा आहे.
मात्र, त्यांच्या भव्य लग्नाआधीच या जोडप्याच्या लग्नाची पत्रिका ऑनलाईन लीक झाली आहे. पापाराझीने कुलदीप आणि वंशिकाच्या जबरदस्त वेडिंग कार्डचा व्हिडिओ शेअर केला आहे. हे कार्ड श्री गणेशाची सोन्याची मूर्ती असलेल्या दोन-स्तरांच्या पेटीसारखे दिसते आणि त्यावर सोनेरी पक्षी असलेले दोन बॉक्स आहेत. आत लावलेल्या लग्नपत्रिकेवर लिहिले आहे, “सर्व कुटुंबीय, मित्र आणि हितचिंतकांनी या आणि नवीन जोडप्याला त्यांचे आशीर्वाद द्या आणि त्यांना खूप आनंदी भविष्य आणि दीर्घायुष्यासाठी शुभेच्छा द्या.”
याशिवाय पेटीच्या आत राधा आणि कृष्णाची सुंदर कलाकृतीही आहे. या लग्नपत्रिकेचा व्हिडिओ सोशल मीडियावर खूप वेगाने व्हायरल होत आहे, जो तुम्ही खाली पाहू शकता.
Comments are closed.