AI मुळे मेटामध्ये कपातीची टांगती तलवार, हजारो नोकऱ्यांवर कोसळणार कुऱ्हाड; मार्क झुकरबर्गचे संकेत

फेसबुकची मूळ कंपनी, मेटा, एक मोठा निर्णय घेणार आहे. कंपनी मोठ्या प्रमाणात कपात करण्याची तयारी करत आहे. या निर्णयामुळे जगभरातील हजारो कर्मचाऱ्यांना काढून टाकण्याची शक्यता आहे. त्यांच्यावर कपातीची टांगती तलवार आहे. मार्क झुकरबर्गची कंपनी कृत्रिम बुद्धिमत्तेत AI सतत मोठ्या प्रमाणात गुंतवणूक करत आहे. रॉयटर्सच्या वृत्तानुसार, कंपनीच्या कपातीमुळे मेटाच्या २०% कर्मचाऱ्यांवर परिणाम होईल. अहवालांनुसार, ३१ डिसेंबरपर्यंत मेटामध्ये अंदाजे ७९,००० कर्मचारी होते. जर २०% कर्मचाऱ्यांना काढून टाकले तर अंदाजे १५,००० कर्मचारी त्यांच्या नोकऱ्या गमावतील.

या कंपनीत एआयमुळे कपात होत आहे. त्यामुळे हजारो लोक नोकऱ्या गमावतील. याबाबत मार्क झुकरबर्गनेही संकेत दिले आहेत. आर्टिफिशियल इंटेलिजेंसमुळे अनेकांच्या नोकऱ्या जाण्याची शक्यता आहे. मेटा एक मोठा निर्णय घेणार आहे. कंपनी मोठ्या प्रमाणात कपात करण्याची तयारी करत आहे. त्यामुळे जगभरातील हजारो कर्मचाऱ्यांची कपात होण्याची शक्यता आहे.

मार्क झुकरबर्गने आधीच संकेत दिले आहेत की, एआयमध्ये अनेक कौशल्यपूर्ण गोष्टी करण्याची क्षमता आहे. त्यामुळे अनेक कामे मोठ्या टीमशिवाय पूर्ण करता येतात. झुकरबर्गने जानेवारीमध्ये सांगितले होते की ज्या प्रकल्पांना पूर्ण करण्यासाठी मोठ्या टीमची आवश्यकता होती ते आता एकच प्रतिभावान व्यक्ती हाताळू शकते. जर मेटाने त्यांच्या २०% कर्मचाऱ्यांना कपात केली तर ती कंपनीसाठी एक मोठी कपात असेल. नोव्हेंबर २०२२ मध्ये कंपनीने ११,००० लोकांना कामावरून काढून टाकले आणि चार महिन्यांनंतर १०,००० लोकांना कामावरून काढून टाकले. कंपनीने वरिष्ठ अधिकाऱ्यांना मोठ्या कपातीची तयारी करण्यास सांगितले आहे. तथापि, अद्याप कोणतीही तारीख जाहीर केलेली नाही.