बॉलीवूडची ‘एव्हरग्रीन’ अभिनेत्री काजोल हिने आपल्या अभिनयाने गेल्या तीन दशकांपासून प्रेक्षकांच्या मनावर राज्य केले आहे. ‘बेखुदी’पासून सुरू झालेला तिचा प्रवास आज ‘द ट्रायल’ सारख्या वेब सीरिजपर्यंत येऊन पोहोचला आहे. मात्र, या 30 वर्षांहून अधिक काळाच्या कारकिर्दीत केवळ काजोलचा अभिनयच नाही, तर तिचे व्यक्तिमत्व आणि लूक यामध्येही कमालीचा बदल पाहायला मिळत आहे. लूक बदलला असला तरी काजोलच्या अभिनयाची धार आजही तशीच आहे. तिने केवळ तिच्या सौंदर्यावर नव्हे, तर आपल्या दमदार कामाच्या जोरावर बॉलिवूडमध्ये अव्वल स्थान टिकवून ठेवले आहे. आजही तिचे चाहते तिच्या प्रत्येक नवीन प्रोजेक्टची तितकीच आतुरतेने वाट पाहत असतात. सध्या तिने इन्स्टाग्रामवर काही फोटो शेअर केले आहेत. त्यावरुन चाहत्यांच्या नजरा हटेनाशा झाल्या आहेत.
ही साडी हलक्या वजनाच्या आणि अर्धपारदर्शक ऑर्गेन्झा कापडापासून बनवलेली आहे, जी सध्या फॅशनमध्ये खूप लोकप्रिय आहे. ती सध्या ट्रेन्डमध्ये आहे. साडीच्या काठावर आणि पदरावर पांढऱ्या किंवा चांदीच्या धाग्यांनी फुलांची आणि पानांची बारीक एम्ब्रॉयडरी करण्यात आली आहे. साडीच्या मधल्या भागातही छोटी बुटी डिझाइन दिसून येते.
साडीला मॅचिंग असा काळा ब्लाउज तिने परिधान केला आहे. ब्लाउजच्या बाह्यांवर साडीच्या बॉर्डरशी जुळणारे नाजूक वर्क आहे. 
तिने हा लूक साधा पण प्रभावी ठेवण्यासाठी फक्त बोटात अंगठ्या आणि कपाळावर एक छोटी लाल टिकली लावली आहे, ज्यामुळे तिला एक पारंपरिक ‘टच’ मिळाला आहे. 
या साडीवर केस मोकळे सोडलेले आहेत. मेकअपमध्ये ‘न्यूड’ शेड्सचा वापर करून डोळ्यांवर जास्त भर दिला आहे
Comments are closed.