एकदाच गुंतवणूक करा, दरमहा 17000 रुपये मिळवा, जाणून घ्या पोस्टाच्या भन्नाट योजनेबद्दल माहिती

पोस्ट ऑफिस योजना बातम्या : कमी काळात अधिक नफा मिळवण्यासाठी विविध योजना सुरु करण्यात आल्या आहेत. यामध्ये पोस्ट ऑफिसच्या योजना सुरक्षीत आणि अधिक परतावा देणाऱ्या आहेत. सेवानिवृत्तीनंतर आरामदायी जीवनाचे स्वप्न प्रत्येकजण पाहतो. त्यामुळे, लोकांना आपले पैसे अशा प्रकारे गुंतवायचे असतात, ज्यामुळे त्यांची सुरक्षितता सुनिश्चित होईल आणि चांगला परतावा मिळेल. याच कारणामुळे इंडिया पोस्टची ज्येष्ठ नागरिक बचत योजना (SCSS) बरीच लोकप्रिय आहे.

8.2 टक्क्यांपर्यंत व्याज, संपूर्ण सरकारी हमी

ज्येष्ठ नागरिक बचत योजनेत पैशांची गुंतवणूक करुन तुम्ही दरमहा पैसे मिळवू शकता. या योजनेचा सर्वात मोठा फायदा म्हणजे तिची सुरक्षितता. ठेवी सरकारद्वारे पूर्णपणे संरक्षित आहेत. सध्या, ही योजना 8.2 टक्के वार्षिक व्याजदर देते, जो सामान्य बँक एफडीपेक्षा जास्त आहे. त्यामुळं गुंतवणूकदारांना पैशांची गुंतवणूक करण्याच्या दृष्टीने ही योजना महत्वाची आहे. 8.2 टक्के एवढा परतावा मिळत असल्यानं गुंतवणुकदारांचा फायादा होतो.

गुंतवणुकीच्या मर्यादा आणि कर लाभ

तुम्ही 1000 रुपयांचे खाते उघडून या योजनेअंतर्गत 30 लाख पर्यंत गुंतवणूक करू शकता. याव्यतिरिक्त, तुम्हाला आयकर कायद्याच्या कलम 80 सी अंतर्गत 1.5 लाख पर्यंत कर सवलत मिळते. या योजनेत गुंतवणूक केल्यास आयकरात सवलत मिळत असल्यामुळं गुंतवणूककदारांना फायदा मिळतो.

कोण गुंतवणूक करू शकते?

60 वर्षे आणि त्याहून अधिक वयाचे लोक या योजनेत गुंतवणूक करू शकतात. पती-पत्नी देखील संयुक्त खाते उघडू शकतात. व्हीआरएस प्राप्तकर्ते (55+) आणि संरक्षण दलातील कर्मचारी (50+) देखील गुंतवणुकीसाठी पात्र आहेत. त्यामुळं सेवा निवृत्त झालेल्या लोकांना पैशांची गुंतवणूक करण्यासाठी इंडिया पोस्टची ज्येष्ठ नागरिक बचत योजना फायदेशीर ठरते.

5 वर्षांची मुदत, दर तीन महिन्यांनी व्याज

या योजनेचा मुदत कालावधी 5 वर्षांचा आहे, जो आणखी 3 वर्षांसाठी वाढवता येतो. दर तीन महिन्यांनी व्याज दिले जाते, ज्यामुळे नियमित उत्पन्न सुनिश्चित होते.

मुदतपूर्व पैसे काढल्यास दंड

5 वर्षांपूर्वी पैसे काढल्यास दंड आकारला जातो. खातेधारकाच्या मृत्यूनंतर, संपूर्ण रक्कम नॉमिनीकडे हस्तांतरित केली जाते.

दरमहा 17000 कसे कमवायचे?

जर तुम्ही या योजनेत अंदाजे 25 लाख रुपये गुंतवले, तर तुम्हाला दर तीन महिन्यांनी अंदाजे 51250 रुपये व्याज मिळेल. याचा अर्थ तुम्ही दरमहा सरासरी अंदाजे 17000 रुपयांचे नियमित उत्पन्न मिळवू शकता. पोस्ट ऑफिस एससीएसएस योजना ही सुरक्षित गुंतवणुकीसह नियमित उत्पन्नासाठी, विशेषतः सेवानिवृत्तीनंतरच्या आर्थिक स्थैर्यासाठी एक चांगला पर्याय आहे.

आणखी वाचा