Vinayak Raut On Deepak Kesarkar : खरातप्रकरणी विनायक राऊतांचे खळबळजनक दावे
नाशिकचा भोंदूबाबा अशोक खरात प्रकरणावरुन चांगलच राजकीय वातावरण तापल्याचं चित्र पाहायला मिळत आहे. राजकीय नेते ऐकमेकांवर आरोप प्रत्यारोप करत आहेत. अशातच एकनाथ शिंदे यांना गुवाहाटीचा मार्ग अशोक खरात यानेच दाखवला होता असा खळबळजनक दावा शिवसेना ठाकरे गटाचे सचिव आणि माजी खासदार विनायक राऊत यांनी केलाय.माजी मंत्री दीपक केसरकर यांची SIT चौकशी व्हायला पाहिजे. तसेच खरात यांच्याकडे जाणारी वाट दीपक केसरकर यांनी एकनाथ शिंदे यांना दाखवली आणि खरात याने शिंदेना गुवाहाटीची वाट दाखवल्याचे राऊत म्हणाले. खरात जेव्हा तोंड उघडेल तेव्हा मंत्री मंडळातले अर्धे मंत्री उघडे पडतील असे विनायक राऊत म्हणाले. मुख्यमंत्री देवेंद्र फडणवीस यांनी मंत्रिमंडळातील भ्रष्टाचारी आणि कलंकित नेत्यांची चौकशी करून त्याना काढून टाकावे असेही राऊत म्हणाले. कोणत्याही दबावाला बळी न पडता खरात याची चौकशी सुरु ठेवावी असे राऊत म्हणाले.
Comments are closed.