मुंबई ते अमरावती फ्लाइट : पश्चिम आशियातील सध्या सुरू असलेल्या तणावाचा थेट परिणाम आपल्या खिशावर होत आहे. विमान इंधनाच्या दरात वाढ झाल्याने मुंबई ते अमरावती मार्गावरील विमान प्रवास महाग झाला आहे. या मार्गावरील तिकिटांच्या किमती गेल्या काही आठवड्यांत लक्षणीय वाढल्या आहेत. सुरुवातीला फक्त 2100 रुपयांच्या आसपास असलेला प्रवास आता जवळपास 4000 रुपयांवर पोहोचला आहे. म्हणजेच भाडे जवळपास दुप्पट झाले आहे.
एअरलाइनच्या खर्चात इंधनाचा मोठा वाटा असतो. जवळपास 40 टक्के खर्च इंधनाचा आहे. त्यामुळे इंधन महाग झाल्यावर तिकीट दरात वाढ करणे कंपन्यांना अपरिहार्य होते.
या मार्गावर अलायन्स एअर सेवा देत आहे. ही सेवा सुरू झाल्याने प्रवाशांना मोठा दिलासा मिळाला आहे. भाडे कमी असल्याने अनेकांनी विमान प्रवासाला पसंती दिली. मात्र आता वाढलेल्या किमतींचा अनेक प्रवासी फेरविचार करताना दिसत आहेत. मुंबई ते अमरावती फ्लाइट
दरम्यान, प्रवाशांची वाढती संख्या लक्षात घेऊन उड्डाणे वाढवण्यात आली आहेत. आता ही सेवा आठवड्यातून पाच दिवस उपलब्ध असेल. त्यामुळे प्रवासाचे पर्याय वाढले असले तरी खर्च वाढल्याने सर्वसामान्य प्रवाशांची अडचण झाली आहे.
अमरावती हे विदर्भातील महत्त्वाचे शैक्षणिक व औद्योगिक केंद्र आहे. त्यामुळे मुंबईत शिक्षण, व्यवसाय, नोकरीसाठी जाणाऱ्या प्रवाशांची संख्या मोठी आहे. अशा स्थितीत वाढलेले भाडे चिंतेचा विषय ठरत आहे.
राजकीय पातळीवरही या मुद्द्यावरून आवाज उठू लागला आहे. तिकीट दर कमी करण्याची मागणी खासदार बळवंत वानखेडे यांनी केंद्रीय नागरी विमान वाहतूक मंत्री नायडू यांच्याकडे केली आहे. सर्वसामान्यांना परवडेल अशा दरात ही सेवा उपलब्ध व्हावी, अशी अपेक्षा आहे.
दरम्यान, नवीन वेळापत्रकानुसार हे विमान मुंबईहून सकाळी ७.०५ वाजता निघून अमरावतीला सकाळी ८.५० वाजता पोहोचेल. परतीचे फ्लाइट सकाळी 9:15 वाजता निघेल आणि मुंबईत सकाळी 11:00 वाजता पोहोचेल. सेवा (मुंबई ते अमरावती फ्लाइट) वाढली असली तरी वाढलेले विमान भाडे प्रवाशांसाठी मोठी समस्या बनत आहे. त्यामुळे यावर सरकार आणि विमान कंपन्या काय निर्णय घेतात हे पाहणं महत्त्वाचं ठरणार आहे.
Comments are closed.