दिल्लीच्या दयालपूरमध्ये 16 वर्षीय मुलाची चाकूने वार करून निर्घृण हत्या, तीन आरोपींना अटक; सर्व अल्पवयीन

दिल्लीतील दयालपूर येथून एका तरुणाची हत्या झाल्याची घटना समोर आली आहे. पोलिसांकडून मिळालेल्या माहितीनुसार, उत्तर-पूर्व दिल्लीतील दयालपूर भागात एका 16 वर्षीय मुलाची तीन अल्पवयीन मुलांनी चाकूने भोसकून हत्या केली. या घटनेने परिसरात सर्वत्र भीतीचे वातावरण निर्माण झाले आहे. पोलिसांनी दिलेल्या माहितीनुसार, “नेहरू विहार येथील लेन क्रमांक 13 येथे घटनास्थळी पोहोचल्यावर सुमारे 16 वर्षे वयाचा एक जखमी मुलगा बेशुद्ध अवस्थेत आढळून आला. त्याला तात्काळ जेपीसी रुग्णालयात नेण्यात आले, तेथे डॉक्टरांनी त्याला मृत घोषित केले. त्यानंतर, मृताचा मृतदेह पोस्टमॉर्टमसाठी जीटीबी रुग्णालयात पाठवण्यात आला.”