अधिक चांगल्या पायाभूत सुविधा निर्माण करण्यावर सरकारचे लक्ष असल्याचे मुख्यमंत्री रेखा गुप्ता यांनी सांगितले. केंद्र सरकारच्या सहकार्याने सुमारे पाच हजार कोटी रुपये खर्चून मुनक कालव्यावरील उन्नत रस्ता तयार करण्यात येणार असल्याची घोषणा त्यांनी केली. तसेच, या वर्षी तीन नवीन मेट्रो कॉरिडॉर पूर्ण होणे अपेक्षित आहे, ज्यामुळे दिल्ली हे देशातील सर्वात मोठे मेट्रो पायाभूत सुविधा असलेले राज्य बनले आहे.
आरोग्य क्षेत्रावर विशेष भर देताना मुख्यमंत्री म्हणाले की, “उपचार हा हक्क आहे, उपकार नाही” या तत्वाला अनुसरून आरोग्य विभागासाठी 12,645 कोटी रुपयांची तरतूद करण्यात आली आहे.
माधवपूर, सेराजपूर, हडसाळ आणि ज्वालापुरी येथे ५१५ कोटी रुपये खर्चून रुग्णालयांचे बांधकाम पूर्ण केले जाणार असल्याची माहिती त्यांनी दिली. आयुष्मान योजनेत ट्रान्सजेंडर समुदायाचा समावेश करून आरोग्य सेवा अधिक समावेशक करण्यात आल्या आहेत.
सरकारने अनमोल योजनेंतर्गत नवजात बालकांसाठी 56 प्रकारच्या चाचण्या पूर्णपणे मोफत देण्याची घोषणा केली आहे. मुख्यमंत्र्यांनी सांगितले की, हा अर्थसंकल्प दिल्लीतील प्रत्येक नागरिकासाठी, विशेषतः लहान मुलांसाठी सुरक्षित, सुलभ आणि सन्माननीय आरोग्य सेवा सुनिश्चित करण्याच्या दिशेने एक महत्त्वाचे पाऊल आहे.
जेवर विमानतळाच्या उद्घाटनासाठी सुरक्षा कडेकोट, पाच थरांचा सुरक्षा कठडा!
Comments are closed.