फिल सॉल्ट कॅच विवाद हेनरिक क्लासेन आरसीबी विरुद्ध एसआरएच पहिला आयपीएल सामना : आयपीएल 2026 हंगामाची दमदार सुरुवात आज शनिवार (28 मार्च) रोजी रॉयल चॅलेंजर्स बंगळुरू आणि सनरायझर्स हैदराबाद यांच्यातील सामन्याने झाली. बंगळुरू येथे खेळल्या जाणाऱ्या या सामन्यात आरसीबीने नाणेफेक जिंकून प्रथम गोलंदाजी करण्याचा निर्णय घेतला. दरम्यान, आयपीएलच्या पहिल्याच सामन्यात हेनरिक क्लासेन (Heinrich Klaasen) याच्या विकेटने मोठा वाद निर्माण झाला.
अभिषेक-हेड जोडीचा फुसका बार
सामन्यात आरसीबीने नाणेफेक जिंकून प्रथम गोलंदाजी करण्याचा निर्णय घेतला. हैदराबादच्या फलंदाजांना जेकब डफीच्या भेदक गोलंदाजीसमोर टिकाव धरणे कठीण जात आहे. 30 धावांच्या आत तीन विकेट पडल्या आहेत. अभिषेक शर्मा फक्त सात धावा काढू शकला. तर ट्रॅव्हिस हेड नऊ चेंडूंमध्ये 11 धावा करून तो बाद झाला. नितीश रेड्डीला पण काही खास कामगिरी करू शकला नाही.
@SunRisers हेनरिक क्लासेन काय बाहेर आहे?
ही वेळ काय आहे? @RCBTweets तुम्ही पंच विकत घेतला आहे का?#RCBvsSRH #IPL #IPLT20 pic.twitter.com/0Zfyz161Q6
— 𝐁𝐢𝐠𝐠𝐁𝐨𝐬𝐬𝐢𝐚 (@Biggbossia01) 28 मार्च 2026
हेनरिक क्लासेन नाबाद?
दरम्यान, क्लासेन आणि इशान किशन यांनी चौथ्या विकेटसाठी 97 धावांची भक्कम भागीदारी उभी केली होती. क्लासेन 22 चेंडूत 31 धावा करून चांगल्या लयीत दिसत होता. मात्र रोमारियो शेफर्ड याने त्याला बाद केले, आणि याच क्षणापासून वादाला सुरुवात झाली. क्लासेनचा कॅच सीमारेषेजवळ फिल सॉल्ट याने घेतल्याचा दावा करण्यात आला. मात्र रिप्ले पाहताना बाउंड्रीजवळील कुशन हलल्याचे स्पष्ट दिसत होते. त्यामुळे अनेकांना हा चेंडू सीमारेषेला लागून षटकार गेला होता, असे वाटत होते. तरीही तिसऱ्या पंचांनी क्लासेनला बाद घोषित केले.
क्लासेन – आऊट ऑर नॉट आउट – तुमचा कॉल काय आहे? 🏏 pic.twitter.com/ovL2Tj0Alu
– जॉन्स. (@CricCrazyJohns) 28 मार्च 2026
या निर्णयानंतर मैदानावर काही क्षण गोंधळाचे वातावरण निर्माण झाले. क्लासेन स्वतःही या निर्णयावर नाराज दिसला आणि त्याने पंचांशी चर्चा केल्याचेही दिसून आले. प्रेक्षक आणि सोशल मीडियावर चाहत्यांनी तीव्र प्रतिक्रिया देत पंचांच्या निर्णयावर प्रश्नचिन्ह उपस्थित केले.
🚨हेनरिक क्लासेन तिसऱ्या पंचांनी चांगल्या कोनातून तपासणी न केल्यामुळे नाखूष.#IPL2026 #विराटकोहली pic.twitter.com/ch6Z3a3wI1
– द फ्री हिट (@THEFREEHITHQ) 28 मार्च 2026
काव्या मारनचा चेहरा पडला…
वाद आणखी वाढण्याचे कारण म्हणजे तिसऱ्या पंचांनी टॉप अँगलमधील रिप्ले मागितला होता, पण त्या वेळी तो उपलब्ध नव्हता. आश्चर्य म्हणजे, ब्रेकनंतर तोच अँगल दाखवण्यात आला, ज्यामुळे प्रसारण व्यवस्थेवरही प्रश्न उपस्थित झाले आहेत. या घटनेदरम्यान काव्या मारन (Kavya Maran) हिच्या चेहऱ्यावरची निराशा कॅमेऱ्यात कैद झाली
फिल सॉल्टचा एक वादग्रस्त झेल, पण तिसऱ्या पंचाने तो आऊट दिला!
हेनरिक क्लासेन 31(22) च्या चांगल्या कॅमिओसाठी रवाना झाला.
📸: JioHotstar#फिलसाल्ट #हेनरिकक्लासेन #फिलिपसॉल्ट #RCBvSRH #RCBvsSRH #ipl #ipl2026 #TATAIPL #TATAIPL2026 #विकेटवॉचर pic.twitter.com/bBJZuesPkI
— विकेटवॉचर (@WicketWatcher_) 28 मार्च 2026
हे ही वाचा –
आणखी वाचा
Comments are closed.