RCBचा ‘किंग’ पुन्हा अवतरला! कोहलीची तुफानी फिफ्टी, SRHला धूळ चारत पहिल्याच सामन्यात दिला धक्का

या अर्धशतकासह, कोहलीने आपल्या नावावर आणखी काही आयपीएल विक्रमही जमा केले आहेत. आयपीएलच्या इतिहासात सर्वाधिक धावा करणारा फलंदाज हा मान त्याच्याकडे आधीच आहे. शिवाय, आता त्याने एकाच मैदानावर सर्वाधिक अर्धशतके झळकावणारा फलंदाज म्हणूनही विक्रमांच्या यादीत आपले नाव कोरले आहे. आतापर्यंत २६८ आयपीएल सामने खेळलेल्या कोहलीने ८,७३० हून अधिक धावा केल्या आहेत; तसेच २९६ षटकारांसह, सर्वाधिक षटकार मारणाऱ्या फलंदाजांच्या यादीत तो सध्या तिसऱ्या क्रमांकावर आहे, त्याच्या पुढे केवळ रोहित शर्मा आणि ख्रिस गेल हेच फलंदाज आहेत.

संघाचा विजय निश्चित करण्यात इतर फलंदाजांनीही मोलाची साथ दिली. देवदत्त पडिक्कलने अत्यंत आक्रमक आणि स्फोटक खेळी साकारली, त्याने अवघ्या २६ चेंडूंमध्ये ६१ धावा केल्या. रजत पाटीदारने १२ चेंडूंमध्ये ३१ धावांचे योगदान दिले, तर सामन्याच्या शेवटी टिम डेव्हिडने १० चेंडूंमध्ये १६ धावांची जलद खेळी करत संघाचा विजय निश्चित केला.

आऱसीबीने हैदराबादने विजयासाठी ठेवलेले २०२ धावांचे लक्ष्य केवळ १५.४ षटकांतच यशस्वीरित्या गाठले; केवळ ४ गडी गमावून त्यांनी ६ गड्यांनी शानदार विजय नोंदवला.