सुनेत्रा काकींनी बोलावल्यास जाईन, बारामती पोटनिवडणूक उमेदवारी अर्जावर युगेंद्र पवारांची भूमिका

बारामती: राज्यातील बारामती आणि राहुरी विधानसभा मतदारसंघाच्या पोटनिवडणुकीची घोषणा केंद्रीय निवडणूक आयोगाकडून काही दिवसांपूर्वी करण्यात आली होती. त्यानुसार या दोन्ही मतदारसंघात २३ एप्रिल २०२६ रोजी मतदान होणार असून, मतमोजणी ४ मे २०२६ रोजी केली जाणार आहे. दिवंगत उपमुख्यमंत्री अजित पवार (Ajit Pawar) यांच्या निधनानंतर बारामती तर शिवाजी कर्डिलेंच्या निधनानंतर राहुरी मतदारसंघाची जागा रिक्त झाली होती. आता भाजपकडून राहुरी मतदारसंघासाठी शिवाजी कर्डिलेंचे सुपुत्र अक्षय कर्डिले (Akshay Kardile) यांना उमेदवारी जाहीर करण्यात आली आहे. तर त्यांच्याविरोधात महाविकास आघाडीतील राष्ट्रवादी काँग्रेस शरदचंद्र पवार पक्षाकडून या मतदारसंघात उमेदवार देण्याची शक्यता आहे. याबाबत राष्ट्रवादी काँग्रेस शरदचंद्र पवार पक्षाचे नेते युगेंद्र पवार यांनी याबाबत आपली प्रतिक्रिया व्यक्त केली आहे. आम्ही बारामतीमध्ये निवडणूक लढणार नाही, राहुरीची जागा लढायची की नाही हे अजून कन्फर्म नाहीये ते प्रदेशाध्यक्ष ठरवतील असंही युगेंद्र पवारांनी म्हटलं आहे. तर सुनेत्रा पवारांनी अर्ज भरण्याच्या दिवशी बोलावलं तर मी नक्की जाईन असंही युगेंद्र पवार म्हणालेत.

100% त्याच निवडून येणार आहेत, याची खात्री आम्हा सर्वांना आहे

शशिकांत शिंदे यांचं स्टेटमेंट बघितलं, ही निवडणूक आपण लढतोय हे अजून नक्की नाही, शशिकांत शिंदे यांनी आता आपल्याला सांगितलं की, शरद पवारांशी चर्चा करतील, सुप्रिया सुळे आणि जयंत पाटील यांच्याशी ते चर्चा करून मग वरिष्ठ नेते ठरवतील त्या पद्धतीनेच निवडणूक लढवली जाईल किंवा लढवली ही जाणार नाही, अजून निर्णय आलेला नाही, असंही पुढे युगेंद्र पवारांनी म्हटलं आहे. तर बारामतीत आतापर्यंत सहा अर्ज दाखल झाले आहेत, तर दुसरीकडे महायुतीसह तुमच्या राष्ट्रवादीने ही निवडणूक बिनविरोध व्हावी अशी भूमिका घेतली आहे, तर काँग्रेस आणि इतर पक्षांनीही आपले उमेदवारी अर्ज दाखल करणार असल्याचे सांगितले आहे, त्याबद्दल बोलताना युगेंद्र पवार म्हणाले, शेवटी निवडणूक लढवण्याचा अधिकार हा लोकशाहीमध्ये सगळ्यांना आहे, पण आमची सगळ्यांची इच्छा आहे की सर्व बारामतीकरांची इच्छा आहे की, ही निवडणूक बिनविरोध व्हावी आणि तीच खरी श्रद्धांजली दादांना असेल, आम्ही सगळे सुनेत्रा पवार निवडून येण्यासाठी काम करू आम्ही प्रयत्न करू, 100% त्याच निवडून येणार आहेत, याची खात्री आम्हा सर्वांना आहे, असंही पुढे युगेंद्र पवार यांनी म्हटलं आहे.

पण जर त्यांनी मला यायला सांगितलं तर मग मी नक्की जाईन

सहा तारखेला सुनेत्रा पवार आपला उमेदवारी अर्ज दाखल करणार आहेत, त्या दिवशी तुम्ही जाणार का? या प्रश्नावर उत्तर देताना युगेंद्र पवार म्हणाले, अद्याप त्यांच्याशी बोललेलो नाही पण, पण जर त्यांनी मला यायला सांगितलं तर मग मी नक्की जाईन, असे पुढे युगेंद्र पवार यांनी म्हटले आहे.

आणखी वाचा – मोठी बातमी: बारामती पोट निवडणुकीसाठी 30 जणांनी अर्ज नेले; निवडणूक बिनविरोध होणार की चुरस रंगणार?, राज्याचं लागलं लक्ष

आणखी वाचा