IPL 2026: 21 वर्षीय भारतीयाच्या डोक्यावर ऑरेंज कॅप, ईशान किशन पुन्हा अपयशी; जयदेव उनादकटचा पर्पल कॅपवर कब्जा

आयपीएल २०२६मधील कोलकाता नाईट रायडर्स आणि सनरायझर्स हैदराबाद यांच्यातील ६ व्या साम्यानंतर, ‘ऑरेंज कॅप’ आणि ‘पर्पल कॅप’च्या क्रमवारीत महत्त्वपूर्ण बदल दिसून आले आहेत. या स्पर्धेच्या १९ व्या हंगामात, केकेआरचा युवा फलंदाज अंगकृष रघुवंशी याने सलग दुसरे अर्धशतक झळकावत ‘ऑरेंज कॅप’वर आपले नाव कोरले आहे. मात्र, त्याची ही उत्कृष्ट कामगिरी असूनही, कोलकाताला सलग दुसऱ्या पराभवाला सामोरे जावे लागले आहे. ते अजूनही या हंगामातील त्यांच्या पहिल्या विजयाच्या प्रतीक्षेत आहेत.

मुंबई इंडियन्सविरुद्धच्या सलामीच्या सामन्यात ५१ धावा करणाऱ्या रघुवंशीने, सनरायझर्स हैदराबादविरुद्धही पुन्हा एकदा दमदार कामगिरी करत अवघ्या २९ चेंडूंत ५२ धावांची खेळी केली. त्याच्या या खेळीत ६ चौकार आणि २ षटकारांचा समावेश होता. दोन सामन्यांत मिळून एकूण १०३ धावांसह, त्याची सध्याची सरासरी ५१.५० आणि स्ट्राईक रेट १७७.५९ इतका आहे. या यादीत ९४ धावांसह ईशान किशन दुसऱ्या क्रमांकावर आहे. हैदराबादच्या हेनरिक क्लासेनने अर्धशतक झळकावत अव्वल पाच फलंदाजांमध्ये तिसऱ्या क्रमांकावर स्थान मिळवले आहे. त्याच्या पाठोपाठ रायन रिकलटन आणि रोहित शर्मा यांचा क्रमांक लागतो.

गोलंदाजीच्या ‘पर्पल कॅप’ मिळवण्याची शर्यत अधिकच तीव्र झाली आहे. केकेआरविरुद्धच्या सामन्यात ३ बळी घेतल्यानंतर, जयदेव उनादकट एकूण ४ बळींसह थेट अव्वल स्थानी झेप घेतली आहे. जरी केकेआरचा गोलंदाज ब्लेसिंग मुझाराबानी यानेही ४ बळी घेतले असले, तरी उनाडकटचा ‘इकोनॉमी रेट’ अधिक सरस असल्याने तो क्रमवारीत आघाडीवर आहे. अव्वल पाच गोलंदाजांच्या यादीत जेकब डफी, टी. नटराजन आणि प्रसिद्ध कृष्णा यांचा समावेश असून, या प्रत्येकाने ३-३ बळी घेतले आहेत.