आयपीएल ही जगातील सर्वात मोठ्या स्पोर्ट्स लीगपैकी एक आहे. जगभरातील करोडो लोक दररोज इंडियन प्रीमियर लीगच्या सामन्यांचा आनंद घेतात. आयपीएलचे ब्रँड व्हॅल्यू शिखरावर नेण्यात काही मोजक्या खेळाडूंचे मोठे योगदान राहिले आहे, ज्यामध्ये विराट कोहलीचाही समावेश आहे. विराट आरसीबी (RCB) कडून खेळतो आणि त्याने आपल्या आयपीएल करिअरमध्ये ८,००० पेक्षा जास्त धावा केल्या आहेत. पण तुम्ही कधी विचार केला आहे का की, विराट कोहलीसारखा खेळाडू आयपीएलचा एक सामना खेळण्यासाठी किती पैसे घेत असेल?
इंडियन प्रीमियर लीगमध्ये खेळाडूंना मिळणारी रक्कम लिलाव किंवा रिटेंशनद्वारे ठरवली जाते. आरसीबीने विराट कोहलीला २१ कोटी रुपयांमध्ये रिटेन केले असल्याने, त्याला आयपीएल २०२६ मध्ये खेळण्यासाठी एकूण २१ कोटी रुपये मिळतील. जर रॉयल चॅलेंजर्स बेंगळुरू संघ प्लेऑफमध्ये पोहोचला नाही, तरीही विराट लीग स्टेजचे सर्व १४ सामने खेळू शकतो. रिटेंशनच्या रकमेनुसार, कोहलीला प्रत्येक सामन्यासाठी एक कोटी रुपयांहून अधिक रक्कम मिळेल.
याशिवाय तुम्हाला माहिती आहे का की, आयपीएल सामन्यादरम्यान जो खेळाडू मैदानात खेळण्यासाठी उतरतो, त्याला साडेसात लाख रुपये स्वतंत्रपणे ‘मॅच फी’ म्हणून मिळतात. त्याचप्रमाणे, विराट कोहलीलाही आरसीबीकडून प्रत्येक सामना खेळण्यासाठी ७.५ लाख रुपये वेगळे मिळतात. विराटने लीग स्टेजचे सर्व १४ सामने खेळले, तरीही त्याची १.०५ कोटी रुपयांची कमाई वेगळी होते.
विराट कोहली इंडियन प्रीमियर लीगच्या इतिहासात सर्वाधिक धावा करणारा फलंदाज आहे. त्याच्या नावावर २६८ सामन्यांत ८,७३० धावा आहेत. आयपीएलमध्ये ८ हजार धावांचा टप्पा ओलांडणारा तो पहिला फलंदाज आहे. आपल्या आयपीएल कारकिर्दीत त्याने ८ शतके आणि ६४ अर्धशतकेही झळकावली आहेत.
Comments are closed.