आयपीएल 2026 मधील 12वा लीग सामना कोलकाता नाईट रायडर्स आणि पंजाब किंग्ज यांच्यात कोलकात्यातील ईडन गार्डन्स येथे खेळवण्यात येत होता. सामना नियोजित वेळेनुसार सुरू झाला, मात्र अवघ्या 3.4 षटकांनंतर पावसामुळे खेळ थांबवावा लागला. त्यानंतर पाऊस कायम राहिल्याने सामना पुन्हा सुरू होऊ शकला नाही. अखेर रात्री सुमारे 11 वाजता हा सामना रद्द करण्याचा निर्णय घेण्यात आला.
सामना रद्द झाल्यानंतर दोन्ही संघांना प्रत्येकी एक गुण देण्यात आला. मात्र, मोठ्या प्रमाणात तिकीट खरेदी करून मैदानात आलेल्या चाहत्यांचे काय, असा प्रश्न उपस्थित झाला आहे. अनेक प्रेक्षकांनी महागडी तिकिटे घेऊनही पूर्ण सामना पाहण्याची संधी गमावली.
आयपीएलच्या नियमांनुसार तिकीट रिफंडसंदर्भात काही अटी व शर्ती लागू असतात. जर सामना एकही चेंडू न टाकता रद्द झाला, तर प्रेक्षकांना जवळपास पूर्ण रिफंड मिळतो. मात्र, त्यातून काही टक्के अॅडमिनिस्ट्रेटिव्ह फी वजा केली जाते. साधारणतः चाहत्यांना तिकीट रकमेच्या 80 ते 90 टक्के रक्कम परत मिळते.
दरम्यान, या सामन्यात 4 षटकांपेक्षा कमी खेळ झाला असल्यामुळे प्रेक्षकांना रिफंड मिळण्याची शक्यता अधिक आहे. अधिकृतरीत्या BCCI किंवा संबंधित फ्रँचायझीकडून अद्याप कोणतीही घोषणा करण्यात आलेली नाही. मात्र, यापूर्वीच्या आयपीएल हंगामातील अनुभव पाहता, अशा परिस्थितीत चाहत्यांना रिफंड दिला जातो.
म्हणूनच, या सामन्याचे तिकीट खरेदी केलेल्या प्रेक्षकांनी घाबरण्याची गरज नाही. सामना पूर्ण होऊ शकला नसल्याने त्यांना तिकीटाची रक्कम परत मिळण्याची शक्यता आहे. साधारणतः 7 ते 10 दिवसांच्या आत रिफंड प्रक्रिया पूर्ण केली जाते.
एकूणच, पावसामुळे सामना रद्द झाला असला तरी BCCI चाहत्यांच्या हिताचा विचार करून योग्य निर्णय घेईल, अशी अपेक्षा व्यक्त केली जात आहे.
Comments are closed.